مختلف آبي پکي
آبي پکي
آبي پکي: هنن پکين ۾ قاز، هنج، بدڪون، نيرڳ، ٻگهه، ٽيٽ، تُور، سانهه، ڪانھرا، لاکا، ٽوٻا، آبي ڪڪڙيون، پيھوڙي، ڄاهو، کيڻاٺي، ڪھنگ، آڙي وغيره شامل آهن. انھن مان اڪثر پکي سياري ۾ مھمان ٿيندا آهن، پر ڪافي جنسون سنڌ جون مقامي به آهن. هنن کي پاڻيءَ جا پکي يا ڍانڍي پکي به چئبو آهي. هي ٻن قسمن جا ٿين ٿا. ھڪڙن جي پيرن ۾ پردا ٿيندا آھن ۽ پردن سان آڱريون ڳنڍيل ھونديون اٿن. اھي گهڻي ڀاڱي بدڪ جي نسل ۾ شمار ڪيا وڃن ٿا ۽ مڇي ڪونه کائين. سندن کاڌو گاھ تي چڙھيل سينور، ننڍڙا ڪوڏ ۽ ساريون آھي. گاهه جي مٿان سينور کائڻ مھل صفا ننڍڙي مڇي وات ۾ اچي ويندي اٿن ته ڳھي ويندا آھن. بدڪ جي نسل جا ڪيترائي پکي سياري جي موسم ۾ درياهن، تلائن ۽ ڍنڍن ۾ ايندا آھن، جھڙوڪ نـِيرڳ، ڊگوش، ڪرڙو، چِـِيکلو، سرخاب (ڪنواچو)، دھلاري (ڳـِھڻو)، ھنجهر، رتنبو ۽ ٽھڙ وغيره.
لفظ آبي پکيھيٺين داخلائن ۾ پڻ استعمال ٿيل آھي
پکي - ڀاڱي جون ٻِيون داخلائون
پکيشيخ ڪينو
پارهيڙي جو شڪار
ٻاٻيهو (پکي)
ڀاڙو
ٻوو
پينگوئن
ٽيٽيهر واسڪوٽي گسلنگ گوڙينگ
ٻوهڙ
چڪور