داخلا نمبر 1775
عنوان آخوند اقبال احمد
شاخ شخصيتون
پڙهيو ويو 741 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آخوند اقبال احمد

آخوند اقبال احمد: آخوند اقبال احمد 1924ع ۾ حيدرآباد ۾ جنم ورتو. 1949ع ۾ پرڏيھي وزارت جي اعليٰ عھدي تي مقرر ٿيو. ڪئناڊا، سعودي عرب، اسپين، نيوزي لئنڊ، مصر ۽ ملائيشيا ۾ سفارتخانا سنڀاليائين. ھالئنڊ ۾ بيگم لياقت علي خان سفير ھئي ته آخوند اقبال احمد ان سان گڏ ھو. 1961ع ۾ جڏھن پرنس علي خان اقوام متحده ۾ مستقل نمائندو ھو، تڏھن اقبال آخوند به اقوام متحده ۾ ڪشمير جي مسئلي جي نمائندگي ڪري رھيو ھو. 1968ع ۾ متحده عرب جمھوريه ۾ ۽ 1976ع ۾ يوگوسلاويه ۾ پاڪستان جو سفير ۽ 1972ع ۾ اقوام متحده ۾ پاڪستان جو نمائندو مقرر ٿيو. اپريل 1976ع ۾ روڊيشيا ۾ اقوام متحده جي قائم ڪيل ڪاميٽيءَ جو چيئرمئن چونڊيو ويو. سنه 1976ع ۾ ٻارھن وڏن بين الاقوامي سفارتڪارن ۾ آخوند صاحب جو نالو به شامل ھو. 1988ع ۾ ان وقت جي وزيرا عظم محترمه بينظير ڀٽي جي فرمائش تي پاڪستان ۾ موٽي آيو ۽ پاڪستان ۾ قومي سلامتيءَ جو مشير مقرر ٿيو.


هن صفحي کي شيئر ڪريو

داخلا ۾ استعمال ٿيل تاريخون

1924.00.00  عيسوي

آخوند اقبال احمد 1924ع ۾ حيدرآباد ۾ جنم ورتو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون