داخلا جي تاريخ 2012-03-07
داخلا نمبر 2051
عنوان آدم جي چوٽي
شاخ قديم آثار
پڙهيو ويو 529 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آدم جي چوٽيءَ جو منظر

آدم جي چوٽيءَ جو منظر

آدم جي چوٽي

آدم جي چوٽي (Adam’s Peak ):آدم جي چوٽي سريلنڪا ۾ هڪ جبل جي چوٽيءَ جو نالو آهي، اُها ڪولمبو کان پنجيتاليهه ميل ڏکڻ اوڀر ۾ موجود آهي. انهيءَ چوٽيءَ جي بلندي 7360 فوٽ آهي. ان چوٽيءَ تي 24x74 فوٽ هموار پوٺو آهي. هن چوٽيءَ تي هڪ هموار ٽڪرو آهي، جنهن تي 5.4 فوٽ ڊگهو ۽ 2.6فوٽ ويڪرو هڪ انساني پير جو نشان موجود آهي، جنهن بابت مسلمانن جو خيال آهي ته اهو پير جو نشان حضرت آدم عليه السلام جو آهي ۽ اهو به چون ٿا ته زمين تي حضرت آدم جو اهو پهريون قدم آهي، جڏهن ته ٻڌ ڌرم وارن جو چوڻ آهي ته اهو نشان گوتم ٻڌ جي پير جو آهي. هندن جي چوڻ موجب اهو شِواجيءَ جي پير جو نشان آهي. مسلمانن جو چوڻ آهي ته حضرت آدم کي جنت مان نيڪالي ملڻ بعد انهيءَ هنڌ تي لاٿو ويو هو. بهرحال هن وڏي زيارتگاهه ۾ ڪنهن تي به ڪا پابندي نه آهي.


هن صفحي کي شيئر ڪريو