داخلا ؛ 2137
پڙهيو ويو ؛ 566
پسند ڪيو ويو ؛ 1
تاريخ ؛ 2012-03-08


تصويرون




ٽائيم لائين




sindhianaسنڌيانا--آديسي

ٽائيٽل ؛ آديسي


شاخ : گروهه

آديسي: ھندو فقيرن جو ھڪ خاص فرقو يا گروھ، جيڪي ”آديس گرو“ ڪن، گروءَ جو سلام ڪن ۽ حڪم مڃين. عام معنيٰ ۾ ”آديس“ جوڳين ۽ ٻين فرقن جو سلام آھي.
عليم فقير مڱريو، جيڪو 1920ع ڌاري يا -ان- کان اڳ، ھندستان کان ايندڙ جوڳين فقيرن سان گڏ سڄا ٽي سال -اوڀر- سنڌ، جيسلمير ۽ -جوڌپور- طرف گڏ ھليو ھو، تنھن جي چوڻ مطابق ”اھي فقير ٽولن ۾، سياري ۾ ايندا ھئا. صبح جو سوير اٿندا ھئا ۽ ھٿ منھن ڌوئي ماٺ ڪري ڌڻيءَ جي ڌيان ۾ ويھندا ھئا. مانيون پچائي، گيھه ۽ کنڊ ۾ ڀوري، ڪٽِي ڪري ھڪ وقتو کاڌو ڍؤ ڪري کائيندا ھئا. سڄو ڏينھن ھل ھلان ۾ ھوندا ھئا ۽ وچينءَ جي وقت سج لٿي کان اڳ -جتي- به ھوندا ھئا، اتي (شھر ۽ ڳوٺ کان ٻاھر) منزل ڪري ويھي رھندا ھئا، ۽ ڪجھه کائي پي سمھي رھندا ھئا“.
سنڌ ۾ چوھاڻ ذات جا مسلمان -جوڳي- فقير آھن، جيڪي لاڙ جي -ٺٽي- ۽ -بدين- ضلعن ۾ ۽ پڻ سيوھڻ طرف رھندا آھن. انھن مان محمد فقير، قادربخش فقير ۽ مٺو فقير مرلي وڄائڻ جا ملوڪ ھئا. انھن مان ٻيا جيڪي نانگ بلائون جھليندا ھئا، -تن- ۾ محمد ھاشم مـُک ھو. مٺي فقير ھن پوئين دور ۾ سنڌ جي جوڳين، ڪاپڙين ۽ سنياسين جي سڃاڻپ ھن طرح ڪرائي:
”مسلمان جوڳي، ذات چوھاڻ، گيڙو ويس ڪن، -الفي- ڳچيءَ ۾ وجھن، ڪنن ۾ والا پائين، ڳاڙھو -بصر- ڪونه کائين. رات جو جاڳن، مرلي وڄائين، نانگ جھلين ۽ نانگن بلائن جا منتر ڪن.“
صادق فقير صوفيءَ جي -بيت- جي ھڪ سٽ آھي:
”آديسي اڄ مـــر، سڀان مرندو سڀڪو“.




رايا ؛
حوالو ؛ انسائيڪلوپيڊيا سنڌيانا (جلد پهريون)

ڇا اوهان وٽ -آديسي- سان لاڳاپيل ڪو مواد تصوير يا نقشو وغيره آهي، ته اوهان اهو مواد انسائيڪلوپيڊيا سنڌيانا سان شيئر ڪريو، اسان هن داخلا کي اوهان جي مواد سان وڌيڪ بهتر بڻائينداسين.
مواد موڪلڻ لاءِ ڪلڪ ڪريو
ڇا هي مضمون اوهان کي پسند آيو ته هن بٽڻ تي ڪلڪ ڪريو
//
مکيه صفحو
داخلا صفحو
فهرست موضوع
فهرست الف ب
تاريخ جا حوالا
تصويرون
جامع سنڌي لغت
سنڌي انگريزي لغت
بلاگ ۽ بحث
مدد ڪريو
ڊاڪومينٽيشن
اسان بابت
رابطو ڪريو

آديسي - مان نڪتل ٻيون شاخون-


گروهه - موضوع جون ٻيون داخلائون-
آتش پرست
ٻڌ (گروهه)
آديسي
انصار
آغاخاني
آغا خان
ڀاڀڙا
ٺڳ ۽ ڀنڊاري


.....گروهه موضوع جون وڌيڪ داخلائون

انسائيڪلوپيڊيا سنڌيانا، پراجيڪٽ آف سنڌي لئنگئيج اٿارٽي، حق ۽ واسطا محفوظ آهن