داخلا نمبر 2524
عنوان آر ايم هري ڊاڪٽر
شاخ شخصيتون
پڙهيو ويو 769 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آر ايم هري ڊاڪٽر

آر ايم هري ڊاڪٽر

آر ايم هري ڊاڪٽر

آر. ايم هري، ڊاڪٽر: هن جو پورو نالو ڊاڪٽر روچلداس منشاراڻي هري آهي. 30 اپريل 1912ع تي روهڙيءَ ۾ ڄائو. دوست ۽ سنگتي کيس ”دادا سائين“ چوندا هئا. پاڻ سائين قطب علي شاهه جهانيان جن جو معتقد هو. روهڙيءَ جي ميونسپل هاءِ اسڪول مان تعليم حاصل ڪرڻ کان پوءِ، هن هوميوپيٿيءَ جا امتحان پاس ڪري، ڊاڪٽري شروع ڪئي ۽ خيراتي علاج ڪندو رهيو. ورهاڱي کان پوءِ هندو مسلم فسادن ۾ سندس گهر ۽ مال لٽجي ويو ۽ پاڻ هندستان هليو ويو، جتي ابتدا ۾ شانتي نگر ۽ آديپور ۾ رهڻ کان پوءِ وڃي ڪڇ ۾ رهيو. پاڻ وڏو سياح هو ۽ سموري دنيا جو سير ڪري، مختلف قومن، قبيلن ۽ ملڪن جي رسمن رواجن، تهذيب ۽ ثقافت جو مشاهدو ڪيائين. هوميوپيٿڪ ۾ ماهر هو. کيس تجربن ڪرڻ جو بيحد شوق هو. تصويرن رستي ۽ بجليءَ ذريعي بيمارن جو علاج ڪرڻ کان وٺي، چقمق رستي پڻ علاج ڪرڻ جا تجربا ڪيائين. چقمق رستي علاج ڪرڻ (Magnetic Therapy) تي انگريزيءَ ۾ هڪ ڪتاب به لکيائين. سنڌيءَ ۾ گرو گرنٿ صاحب سندس گهرواريءَ لکيو هو، جو اڄ تائين موجود آهي. هن مختلف قولن جا نوٽ، سنگت کان ڪٺا ڪري، انهن کي سنواري ”ٻاراڻي ٻولي“، ”اُٿ ۽ اور“ ۽ ”ڪي ساعتون سڄڻن سان“ (چئن ڀاڱن ۾) نالي ڪتاب ڇپايا. ان کان سواءِ شريمد ڀڳوت گيتا جو ترجمو ۽ وياکياڻ سنڌيءَ ۾ ڇپايائين. سائين هادي بخش جو ڪلام، ڀڳوت گيتا جو انگريزيءَ ۾ ترجمو ۽ سري يوگ وسشٽ جو انگريزيءَ ۾ ترجمو پڻ ڪيائين. فيبروري 1980ع ڌاري، دل جي دؤري پوڻ سان لاڏاڻو ڪري ويو.


هن صفحي کي شيئر ڪريو

داخلا ۾ استعمال ٿيل تاريخون

1912.04.30  عيسوي

آر . ايم هري ، ڊاڪٽر 30 اپريل 1912ع تي روهڙيءَ ۾ ڄائو .


1980.02.00  عيسوي

آر . ايم هري ، ڊاڪٽر فيبروري 1980ع ڌاري ، دل جي دؤري پوڻ سان لاڏاڻو ڪري ويو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون