داخلا نمبر 2372
عنوان آري چنگھڻ
شاخ ماڳ مڪان
پڙهيو ويو 312 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آري چنگھڻ

آري چنگھڻ(لٺ )2: هن ماڳ تي به آري ڄنگهڻ لٺ -1 جهڙو هڪ
اڻ گهڙيل اڀو پٿر کتل آهي، ۽ قبل از تاريخ جو آهي. هي ماڳ ديهه مول، تعلقي ٿاڻي بولاخان، ضلعي ڄامشوري ۾ واقع آهي. ھي ماڳ آري چنگھڻ-١ کان اڌ ڪلو ميٽر جي پنڌ تي، ھي ھڪ وڏو قدرتي پٿر زمين ۾ کتل آھي، جنھن جو قطر ٥٥ . ١ ميٽر ۽ اوچائي ٠ . ٢٨ ميٽر بيھي ٿي. مقامي ماڻھو ھن کي روھي به چون. ھن تي ڪابه لکت وغيره ڪونه آھي. ھي ڇو ۽ ڇا لاءِ ٺاھي وئي، ان جو ڏس پتو نٿو ملي. ھي ۽ ٻيون اھڙيون پٿر جون کتل لٺيون محققن لاءِ مواد آھن. اھڙن يادگارن لاءِ انگريزيءَ جو لفظ Menhir استعمال ڪري سگھجي ٿو.


هن صفحي کي شيئر ڪريو