داخلا نمبر 2595
عنوان آري چنگھڻ 2
شاخ ماڳ مڪان
پڙهيو ويو 413 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آري چنگھڻ 2

آري چنگھڻ (لٺ ):هن ماڳ تي هڪ ڊگهو اڀو پٿر کٽل آهي جيڪو ممڪن آهي ته اسلامي دور جو هجي. پٿريا لٺ ديهه مول تعلقه ٿاڻو بولاخان ضلعو ڄامشورو، اتر ويڪرائي ڦاڪ 25◦ 30′ 68″ اوڀر ڊگھائي ڦاڪ 67◦ 27′ 70″تي واقع موجود آھي. ھي ماڳ ھڪ پٿر جو اڻ گھڙيل منارو آھي، جيڪو ٤٠ . ٣ ميٽر اوچو ۽ ان جي ويڪر ٣٠ . ١ ميٽر (قطر) آھي. ھي ماڳ اڻ سروي زمين ۾ آري پير قبرستان کان اولهه ۾ تقريباً ٻن ڪلو ميٽرن تي آھي ۽ ڏکڻ ۾ نئين مول اٿس. ھي گول قسم جو، کتل پٿر آھي، جنھن تي عربي زبان ۾ ڪجهه لکيل آھي. ھنديءَ ۾ به ڪا لکت اٿس. عربي لکت ڪوفي خط ۾ آھي. اصولي طور اِھو قبل از تاريخ جو ھجڻ کپي، پر عربي واري لکت ھن مينار جي قدامت تي اثرانداز ٿئي ٿي. وڏي ڳالهه ته پٿر، ڀر ۾ ٺھيل کروٿ جي اولهه ۾ آھي. عربي ۽ ٻين ھندي اکرن تي تحقيق جاري آھي.


هن صفحي کي شيئر ڪريو