داخلا نمبر 2570
عنوان آريائي ٻوليون
شاخ ٻوليون
پڙهيو ويو 529 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آريائي ٻوليون

آريائي ٻوليون: دنيا ۾ جيڪي به لساني خاندان آھن، انھن ۾ آريائي ٻوليون ڳالھائيندڙ گروھ نھايت اھم آھي، ڇو ته ھن گروھ (خاندان) جون ٻوليون دنيا جي وڏي حصي ۾ ڳالھايون وڃن ٿيون. ۽ پنھنجي علمي ۽ ادبي ذخيري جي لحاظ کان به اعليٰ ۽ اتم آھن. ھن خاندان ۾ سنسڪرت ۽ فارسيءَ کان سواءِ يوناني، لاطيني، روسي، جرمن، فرانسيسي ۽ انگريزي اھم ٻوليون شامل آھن. اتر ھندستان ۾ مروج ٻوليون پڻ ھن خاندانن مان آھن. ھن ئي خاندان کي ”ھند يورپي ٻولين“ جو نالو به ڏنو ويو آھي، ڇاڪاڻ ته ھي ٻوليون انھن ملڪن ۾ پڻ ڳالھايون وڃن ٿيون، جيڪي ھندستان کان ويندي يورپ تائين پکڙيل آھن. انھن سڀني ٻولين کي ھڪ خاندان ۾ شامل ڪرڻ جو سبب اھو آھي ته انھن جا صرفي ۽ نحوي قاعدا ۽ لفظن جي ذخيرن ۾ گھڻي قدر ھڪجھڙائي آھي. هن خيال جي حامين موجب يوناني، لئٽن، رومن، جرمن، فرينچ، روسي، انگريزي ۽ فارسي سان گڏ هندي، سنسڪرت، بنگالي ۽ سنڌي زبانون پڻ آريائي ٻولين جي دفعي ۾ اچن ٿيون. سنڌيءَ بابت اها ڳالهه ڪي ٻيا عالم قبول نٿا ڪن. (وڌيڪ ڏسو؛ ’سنڌي ٻولي‘)


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

ٻوليون - ڀاڱي جون ٻِيون داخلائون

بازيگر (ٻولي)
باگڙي
اردو
ٻولي
اشوري
الاتان
براهوي
براهمي گپتا
برج ڀاشا
ابجد
ٻوليون ڀاڱي جا وڌيڪ مضمون