داخلا نمبر 2669
عنوان آزاد حنيف
شاخ شخصيتون
پڙهيو ويو 486 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آزاد حنيف

آزاد، حنيف: قائداعظم جو ڊرائيور فلمي اداڪار، آزاد حنيف، 16 آڪٽوبر 1916ع تي، دھليءَ ۾ ڄائو، پنھنجي نوجوانيءَ ۾ ئي، جڏھن ھن اڃا تعليم به مڪمل نه ڪئي ھئي، روزگار جي تلاش لاءِ عملي زندگيءَ جو آغاز ڪيائين ۽ بعد ۾ ڊرائيوريءَ ۾ مھارت حاصل ڪري ٻن وڏن ادارن سان لاڳاپيل رھيو.
آزاد حنيف ٻاروتڻ کان وٺي باغ بھار شخصيت جو مالڪ ھو، ھن پھريون دفعو گڏيل ھندستان ۾ ٺاھيل فلم ”حقدار“ ۾ ھڪ مختصر ڪردار ادا ڪيو، جيڪو کيس، فلمي دنيا ۾ متعارف ڪرائڻ جو سبب بڻيو. انھن ئي ڏينھن ۾ ھو قائداعظم سان ويجھو ٿيو. ھن ھڪ وڏو عرصو قائداعظم جي ڊرائيور جي حيثيت ۾ گذاريو.
قائداعظم جي وفات کان پوءِ پاڪستاني فلمن ۾ ڪم ڪندو رھيو، سندس مشھور فلمن ۾ ”محبوبه“، ”قاتل“، ”انوکي“، ”ڪنواري“، ”نذرانه“ ۽ ڪارنامه“ شامل آھن، سيپٽمبر 1986ع ۾ وفات ڪيائين.


هن صفحي کي شيئر ڪريو

داخلا ۾ استعمال ٿيل تاريخون

1916.10.16  عيسوي

آزاد حنيف ، 16 آڪٽوبر 1916ع تي ، دھليءَ ۾ ڄائو.


1986.09.00  عيسوي

آزاد حنيف سيپٽمبر 1986ع ۾ وفات ڪيائين .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون