داخلا نمبر 2682
عنوان آزاد قاضي
شاخ شخصيتون
پڙهيو ويو 1329 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آزاد قاضي

آزاد قاضي

آزاد قاضي

آزاد قاضي: عبدالاحد ولد محمد حسن جوڻيجو، جنهن کي ادبي دنيا ۾ آزاد قاضيءَ جي نالي سان سڃاتو وڃي ٿو، 15 نومبر 1956ع تي قاضي دڙا، تعلقي ڏوڪريءَ، ضلعي لاڙڪاڻي ۾ پيدا ٿيو. پرائمري تعليم ڳوٺ ۾ وٺڻ بعد مئٽرڪ 1971ع ۾ گورنمنٽ هاءِ اسڪول باڊهه مان پاس ڪيائين. لائبرري سائنس ۾ ماسٽرس 1983ع ۾ ۽ ايم. اي (سنڌي ادب) 1995ع ۾ سنڌ يونيورسٽيءَ مان ڪيائين. شاهه عبداللطيف ڀٽائي چيئر ڪراچي يونيورسٽيءَ ۾ پنجن سالن لاءِ پروجيڪٽ ريسرچ طور به ڪم ڪيو اٿس، جنهن دوران چيئر جا 6 ڪتاب ڇپرائڻ ۾ سندس هٿ رهيو. ماهوار ”جياپو“ ڪراچيءَ جي ايڊيٽر طور 6 پرچا ۽ مومل پبليڪيشن جي ايڊيٽر طور 4 پرچا ڇپائي چڪو آهي.
آزاد قاضيءَ 1973ع کان شاعري شروع ڪئي، ابتدا ٻاراڻي شاعريءَ کان ڪيائين. نثر جي ابتدا ڪهاڻيون لکڻ سان 1975ع ۾ ڪيائين. هن ڀنڀور اشاعت گهر حيدرآباد، رني ڪوٽ پبليڪيشن حيدرآباد، فڪرِ نؤ پبلشنگ هائوس ڪراچي، جي.ايم. سيد لٽرري سوسائٽي ڪراچيءَ طرفان 50 کن ڪتاب ڇپايا آهن. سندس طبع زاد، ترجمي ۽ ترتيب ڏنل ڪتابن مان ڪجهه اهم ڪتاب هي آهن: ”سوڀ سدائين سچ جي“ (تنقيد)، ”سنڌ جون انقلابي عورتون“، ”انقلابي ماءُ“ (ترجمو)، ”قول فيصل“ (ترجمو)، ”لبرل ازم ۽ انقلاب دشمني“ (سياسي تنقيد)، ”لامون تنهن وڻ سنديون“ (ترتيب)، ”سنڌ جو آواز“ (ترتيب)، ”جي.ايم.سيد جي جدوجهد ۽ نيشنلزم“ (ترتيب)، ”جي.ايم. سيد، ڊاڪٽر درشهوار سيد جي نظر ۾“ (ترتيب) وغيره. هن وقت سنڌ يونيورسٽيءَ جي سنڌي شعبي ۾ استاد آهي.


هن صفحي کي شيئر ڪريو

داخلا ۾ استعمال ٿيل تاريخون

1956.11.15  عيسوي

آزاد قاضي 15 نومبر 1956ع تي قاضي دڙا ، تعلقي ڏوڪريءَ ، ضلعي لاڙڪاڻي ۾ پيدا ٿيو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون