داخلا نمبر 3112
عنوان آغا بدرالدين دراني
شاخ سياستدان
پڙهيو ويو 1027 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آغا بدر الدين دراني

آغا بدر الدين دراني

آغا بدرالدين دراني

آغا بدرالدين دُراني: آغا بدرالدين ولد آغا شمس الدين دراني ڳڙهي ياسين ضلعي شڪارپور جي دراني پٺاڻن مان مشهور سياستدان ۽ علم دوست انسان ٿي گذريو آهي. 23 مارچ 1912ع ۾ شڪارپور ۾ ڄائو. مئٽرڪ ڪراچيءَ مان ڪيائين ۽ پوءِ اعليٰ تعليم علي ڳڙهه يونيورسٽيءَ مان ورتائين. فارسي، سنڌي، اردو ۽ انگريزي ٻولين ۽ ادب تي عبور حاصل هئس. 1937ع ۾ انڊيا مسلم ليگ'>آل انڊيا مسلم ليگ ۾ شامل ٿيو ۽ مرڻ گهڙيءَ تائين انهيءَ سان لاڳاپيل رهيو. مسلم ليگ جو ضلعي صدر پڻ رهيو. ان کان سواءِ صوبائي اليڪشن ڪميشن جو ميمبر به رهيو. ڊسمبر 1946ع ۾ مسلم ليگ ڪائونسل جو ميمبر چونڊيو ويو. چونڊن ۾ ڪانگريس جي اميدوار کي شڪست ڏئي صوبائي اسيمبليءَ جو ميمبر ٿيو. 1947ع ۾ صوبائي اسيمبليءَ جو ڊپٽي اسپيڪر چونڊيو ويو. 1953ع جي چونڊن ۾ ٻيهر ميمبر ٿيو ۽ کيس سنڌ اسيمبليءَ جو اسپيڪر چونڊيو ويو. سندس ذاتي ڪتب خانو ”آشيانه ادب“ نالي سان ناياب قلمي نسخن، نوادارات ۽ قيمتي ڪتابن سان ڀريل ضلعي توڙي سنڌ جو نادر ۽ وڏو ڪتبخانو شمار ٿئي ٿو. جنهن مان پير حسام الدين راشدي، اينمري شمل ۽ ٻين وڏن عالمن استفادو حاصل ڪيو آهي. هن 1937ع ۾ هفتيوار اخبار ”پيغام صلح“ جاري ڪئي. آغا صاحب سنڌي ادبي بورڊ جو ميمبر رهي چڪو آهي. حج جي سعادت به حاصل ڪئي اٿس. هن حاجين جي رهنمائيءَ لاءِ ”مسافر حجاز“، ڪتاب لکيو، ان کان سواءِ هن جي ٻين ڪتابن ۾ ”ڪامرسِ ان پاڪستان“، ۽ ”سنڌ ۽ هتي جا ماڻهو“ مشهور آهن. آغا صاحب 26 جنوري 1965ع تي وفات ڪئي.


هن صفحي کي شيئر ڪريو

داخلا ۾ استعمال ٿيل تاريخون

1912.03.23  عيسوي

آغا بدرالدين 23 مارچ 1912ع ۾ شڪارپور ۾ ڄائو .


1965.01.26  عيسوي

آغا بدرالدين 26 جنوري 1965ع تي وفات ڪئي.



سياستدان - ڀاڱي جون ٻِيون داخلائون

بجاراڻي هزار خان
بچاڻي شمشاد بيگم
اسد سڪندر ملڪ
اسد عابد قاضي
اسفند يار ولي
اسماعيل راهو
اصغر خان
اعجاز جکراڻي
اعجاز علي خان ٽالپر
اعجاز علي خان جتوئي
سياستدان ڀاڱي جا وڌيڪ مضمون