آغا روشن علي پٺاڻ
آغا روشن علي پٺاڻ
آغا روشن علي پٺاڻ: شاعر مضمون نويس ۽ تعليم دان آغا روشن علي پٺاڻ 31 مئي 1942ع تي آغا شير محمد پٺاڻ جي گهر ۾ درٻيلي تعلقي ڪنڊياري ۾ پيدا ٿيو. ابتدائي تعليم درٻيلي مان ۽ مئٽرڪ ۽ انٽر حيدرآباد مان حاصل ڪيائين. سنڌ يونيورسٽيءَ مان ايم اي اسلامڪ ڪلچر ۾ ڪيائين. ڪجهه وقت زراعت کاتي ۾ ملازم رهيو. ان کان پوءِ تعليم کاتي ۾ ايڇ ايس ٽي طور ڀرتي ٿي مستقل طور شھدادپور ۾ رهائش اختيار ڪيائين. سٺي استاد ۽ منتظم هئڻ ڪري سنڌ سرڪار سندس انتظامي صلاحيتن کي آڏو رکندي کيس سانگهڙ جو ڊسٽرڪٽ ايـڊيوڪيشن آفيسر مقرر ڪيو. ادبي ذوق سبب شھدادپور ۾ سنڌي ادبي سنگت جي بنياد رکندڙن مان هو ۽ ان پليٽ فارم تان ڪيترائي ادبي پروگرام ۽ ”لطيف سائينءَ جا ڏهاڙا“ ملهايائين. انقلابي طبيعت سبب مزاحمتي شاعري به ڪيائين، جيڪا مختلف ادبي رسالن ۾ ڇپي. هو فڪري طرح سائين جي.ايم.سيد جو پوئلڳ هو. پنھنجي دوست محمد صديق دائودپوٽي سان گڏ ”مجاهد“ اخبار شھدادپور سان به لاڳاپيل رهيو. هيءَ پھرين سنڌي هفتيوار اخبار هئي، جنھن 1969ع ۾ شيخ مجيب الرحمان جي سنڌ اچڻ تي سائين جي.ايم.سيد ۽ شيخ مجيب الرحمان جا اسڪيچ سنڌ جي نقشي ۾ شايع ڪيا هئا. آغا روشن علي 20 آڪٽوبر 2013ع تي وفات ڪئي.
لفظ آغا روشن علي پٺاڻھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1942.05.31 عيسوي
آغا روشن علي پٺاڻ 31 مئي 1942ع تي آغا شير محمد پٺاڻ جي گهر ۾ درٻيلي تعلقي ڪنڊياري ۾ پيدا ٿيو .
2013.10.20 عيسوي
آغا روشن علي 20 آڪٽوبر 2013ع تي وفات ڪئي.
شخصيتون - ڀاڱي جون ٻِيون داخلائون
عشرت العبادعبدالقادر ملڪاڻي
اسلم آزاد
جلالاڻي نصير محمد فقير صوفي
پلي مبارڪ اثيم
خانبهادر شيخ صادق علي انصاري
جاگيراڻي اعتبار علي
سنت بابا گوبندرام
رحيم بخش سومرو
اسماعيل فقير ڏيرو