داخلا نمبر 3338
عنوان آغا نورمحمد پٺاڻ
شاخ شخصيتون
پڙهيو ويو 891 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آغا نورمحمد پٺاڻ

آغا نورمحمد پٺاڻ

آغا نورمحمد پٺاڻ

آغا نورمحمد پٺاڻ: ريزيڊنٽ ڊائريڪٽر، اڪادمي ادبيات پاڪستان، ڪراچي، آغا نورمحمد پٺاڻ، 15 اپريل 1955ع تي شڪارپور ۾ ڄائو. سندس والد جو نالو آغا دوست محمد پٺاڻ هو. آغا نورمحمد، اسلامڪ ڪلچر ۽ اقتصاديات ۾ ڊبل ايم. اي آهي. سندس ادبي حيثيت ڪهاڻيڪار، نقاد ۽ مترجم واري آهي. ’پاڪستان جا صوفي شاعر‘، ’پنجاهه چونڊ افسانا‘، ’سنڌ جا سماجي ۽ اقتصادي مسئلا‘، ’سنڌي ڇپيل ڪتابن جو پنج ساله جائزو- 1985ع کان 1990ع، ۽ 2000- 1999ع تائين ڇپيل ادبي رسالن تي تبصرو‘، ’سنڌي لوڪ ادب‘، ٺٽي ضلعي جا چونڊ شاعر‘ ڪتابن جو مصنف آهي. اڪادمي ادبيات جي پلئٽفارم تان 1990ع کان 2009ع تائين سوين ادبي پروگرام، سيمينار، مشاعرا، ادبي نشستون، ڪچهريون، ڪتابن جون مهورتون، اديبن سان رهاڻيون ۽ شامون، ادبي ڪانفرنسون ڪرائي چڪو آهي. 1999ع ۾ سنڌ ۽ بلوچستان جي اديبن جي قافلي کي پنجاب، سرحد ۽ بلوچستان جو دورو ڪرايائين. تازو هن سال 10 جون 2009ع تائين پنجاب، سرحد ۽ بلوچستان جي نامور اديبن کي سنڌ جو ۽ سنڌ جي ادبي ادارن جو دورو ڪرائي چڪو آهي. 10 جولاءِ تي انهن اديبن کي سنڌي لئنگئيج اٿارٽيءَ به آجياڻو ڏنو هو. هيءُ 57 ملڪن جي اديبن جي وفدن جي پنهنجي اداري پاران آجيان ڪري چڪو آهي. ڪراچيءَ ۾ سنڌي لئنگئيج اٿارٽيءَ، سنڌي ادبي سنگت، ثقافت کاتي ۽ ٻين سنڌي ۽ اردو زبان جي ادبي ادارن جي سهڪار سان اڪثر پروگرام ڪرائيندو رهي ٿو.


هن صفحي کي شيئر ڪريو

داخلا ۾ استعمال ٿيل تاريخون

1955.04.15  عيسوي

آغا نورمحمد پٺاڻ ، 15 اپريل 1955ع تي شڪارپور ۾ ڄائو.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون