داخلا نمبر 3362
عنوان آفتاب غلام نبي قاضي
شاخ شخصيتون
پڙهيو ويو 458 ڀيرا
داخلا جو حوالو انسائيڪلوپيڊيا سنڌيانا (جلد پهريون)

آفتاب غلام نبي قاضي

آفتاب غلام نبي قاضي: هي اعليٰ سول سروس جو ناميارو ميمبر، نوشهري فيروز ۾ ڄائو. شروعات کان ئي ذهين هو. هميشه پهريون نمبر ايندو هو. رياضيءَ ۾ ايم. ايس سي ڪرڻ کان پوءِ 1943ع ۾ انڊين سول سروس (آءِ. سي. ايس) جي مقابلي ۾ شريڪ ٿيو ۽ اعزاز سان ڪامياب ٿيو. کيس بهار اڙيسا سول سروس ۾ چونڊيو ويو. پاڪستان ٺهڻ کان پوءِ قاضي صاحب پنهنجون خدمتون پاڪستان لاءِ وقف ڪري ڇڏيون. انهيءَ وقت کان وٺي پاڻ مختلف عهدن تي رهندو آيو. اسسٽنٽ ڪليڪٽر هالا، ڪليڪٽر ٺٽو ۽ اولهه پاڪستان جو سيڪريٽري ماليات رهيو. 1962ع کان 1965ع تائين واشنگٽن ۾ پاڪستان جي اقتصادي کاتي جي نمائندي طور خدمتون سرانجام ڏنائين. ان کان پوءِ اولهه پاڪستان ۾ ترقيءَ ۽ منصوبي بنديءَ واري کاتي جو چيف سيڪريٽري ٿيو. 1966ع ۾ کيس واپڊا جو چيئرمئن بنايو ويو. 1969ع ۾ سيڪريٽري خزانه مقرر ٿيو ۽ 1979ع ۾ کيس بئنڪ آف پاڪستان'>اسٽيٽ بئنڪ آف پاڪستان جو گورنر مقرر ڪيو ويو.


هن صفحي کي شيئر ڪريو