داخلا نمبر 3890
عنوان آلِ رسول صلعم
شاخ اسلام
پڙهيو ويو 217 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو

آلِ رسول صلعم

آلِ رسول صلعم: ”آلِ رسول صلعم“ جي لغوي معنيٰ آهي ”رسولِ پاڪ صلي الله عليه وسلم جا پويان، وارث، اولاد يا خاندان.“ اصطلاحي زبان ۾ سندن نياڻي بيبي فاطمة الزهريٰ رضه جي بطن مان پيدا ٿيل اولاد، جيڪي پاڻ کي ”سيد“ سڏائن ٿا، انهن کي ”آلِ رسول صلعم“ چئبو آهي. قرآن پاڪ ۾ هي ڪيترين ئي جاين تي استعمال ٿيل آهي، ساڳي ترڪيب سان ٻين نبين توڙي مشهور ماڻهن بابت به سندن نالن سان نسبت رکندڙ اهڙا لفظ آيل آهن، جھڙوڪ: آلِ ابراهيم، آلِ يعقوب، آلِ عمران، آلِ لوط، آلِ هارون ۽ آلِ فرعون وغيره. تاريخي اعتبار سان ”آلِ رسول صلعم“ (آلِ محمد صلي الله عليه وسلم) جو نالو تيستائين قائم رهندو، جيستائين دنيا قائم آهي.


هن صفحي کي شيئر ڪريو