آچر پاڪستاني
آچر پاڪستاني
آچر پاڪستاني: سنڌ جي مشهور مسخري ۽ ملهه پهلوان آچر پاڪستانيءَ جو اصل نالو محمد آچر ملاح هو. هن ڳوٺ جھونجھاڻ، ضلعي شھيد بينظيرآباد ۾ پھرين مئي 1934ع تي جنم ورتو. ملهه ۾ رستمِ سنڌ - شير ميربحر جو شاگرد سڏائيندو هو. ملهه راند سان تمام گهڻو عشق هئس. سڄي سنڌ ۽ پاڪستان جي ملاکڙن ۾ لاڳيتو سترهن سال، ٽئين ۽ ٻئي جوڙ جي جوانن سان ملهه وڙهندو رهيو. آچر پاڪستاني ڪنهن ملهه کي دسي يا پاڻ دسجي، پر انعام کيس ضرور ملندو هو. ڳائڻ سان به لڳاءُ هئس ۽ راڳ ۾ استاد منظور علي خان جو شاگرد هو. کيس ملهه ۾ جيڪو به انعام ملندو هو اهو غريبن ۾ ورهائي ڇڏيندو هو. آچر پاڪستاني 1988ع ڌاري وفات ڪئي. کيس قاضي احمد ۾ فاضل شاهه جي قبرستان ۾ مٽيءَ ماءُ حوالي ڪيو ويو. هر سال 6 صفر تي سندس مزار تي ميلو لڳندو آهي..
لفظ آچر پاڪستانيھيٺين داخلائن ۾ پڻ استعمال ٿيل آھي