داخلا جي تاريخ 2012-03-21
داخلا نمبر 3490
عنوان آکاڙو
شاخ راند
پڙهيو ويو 486 ڀيرا
داخلا جو حوالو انسائيڪلوپيڊيا سنڌيانا (جلد پهريون)
آکاڙو

آکاڙو

آکاڙو

آکاڙو:اُها نرم زمين جتي پهلوان ملهه يا ڪُشتي جو مقابلو ڪن. ڪڪڙن جي ويڙهه ٿئي، ان کي آکاڙو چئبو آهي(نئين جامع سنڌي لغات، جلد پهريون، سنڌي لئنگئيج اٿارٽي، حيدرآباد-2004ع)، پر جيئن ته وڏ ڪٻل ۽ ٻيلهاڙي راند ۾ چؤطرف تماشبين گول دائري ۾ بيهي يا ويهي ڏسندا آهن، انهيءَ ڪري ان کي خاص ڪري ”دائرو“ به چوندا آهن. ڪشتيءَ جي ميدان کي به آکاڙو چوندا آهن. ملاکڙو لفظ خود ملهه+ آکاڙو مان نڪتل آهي، يعني ملهن جو آکاڙو. پهلوانيءَ جي مظاهري لاءِ آکاڙي جو وجود تمام آڳاٽو آهي. خاص ڪري قديم بادشاهن جهڙوڪ روم، يونان، ايران، چين، جپان، منگولن، ترڪن ۽ قديم هندستان ۾ فوجي تربيت لاءِ جسم مضبوط ڪرڻ ۽ داءُ پيچ سکڻ سيکارڻ لاءِ هن شعبي کي گهڻي اهميت ملي، اڪثر بادشاهن ۾ بادشاهه پهلوانيءَ جي مظاهري لاءِ ٻن پهلوانن يا غلامن جو خوني مقابلو ڪرائيندا هئا. ڪن جنگجو رياستن ۾ غلامن کي شينهن، ڪتن يا ٻين جهنگلي جانورن جي مقابلي ۾ آکاڙي اندر لاٿو ويندو هو جنهن جي چوڌاري اسٽيڊيم وانگر ڪوٽ، ديوارو ۽ ويهڻ جو انتظام هوندو هو. هندستان ۾ ملهه جي آکاڙن جو احوال مهاڀارت ۾ به ملي ٿو. ملهه جي مقابلي کي ”مل يُڌ“ چوندا هئا، جن ۾ کترين جو هڪ طبقو مهارت حاصل ڪندو هو. پوءِ اهي ’مل‘ (ملهه) سڏيا ويا. ’ملهه يڌ‘ شري ڪرشن ۽ راجا ڪڻس جي وچ ۾ به ٿي، مهاڀارت ۾ ملهه جو ٻيو ذڪر شري ڪرشن ۽ راجا جامنت جي وچ ۾ مقابلي جي حوالي سان ملي ٿو. اهي واقعا دوارڪا، ڪڇ ۽ گجرات واري علائقي جا لڳن ٿا.


هن صفحي کي شيئر ڪريو

هن داخلا لاءِ تاريخ جا حوالا موجود نه آهن

راند - ڀاڱي جون ٻِيون داخلائون

باسڪٽ بال
باڪسنگ
بال
بد
ٻٽڻ
ٻٽيهي (راند)
ٻلهاڙو
ٻيلهاڙو
ٻلهڻ (ملهه)
اڙي
راند ڀاڱي جا وڌيڪ مضمون