داخلا نمبر 1890
عنوان ابن باجه
شاخ شخصيتون
پڙهيو ويو 701 ڀيرا
داخلا جو حوالو

ابن باجه

ابن باجه: ابن باجه اندلس جو مشهور فلسفي ۽ دانشور هو، جنهن فلسفي، طب، ڪيميا ۽ علم هيئت تي ڪيترا ڪتاب لکيا، هن جو اصل نالو ابوبڪر محمد ابن يحييٰ سرقسطي هو.
تعليم مان فارغ التحصيل ٿيڻ بعد ڪجهه وقت اندلس جي حاڪم يوسف تاشقين جو وزير ٿي رهيو، هي تصوف جو سخت مخالف هو، پر فلسفي ۾ هن کي مغرب جو ابن سينا سڏيو وڃي ٿو. مشهور فلسفي ابن رشد تي به چون ٿا ته هن جو اثر هو. هن جي ڪتابن جا اصل متن ڪٿي به نه ٿا ملن، البت سندن ڪتابن جا عبراني ۽ لاطيني زبانن ۾ ترجما يورپ جي ڪيترن لائبررين ۾ موجود آهن. 533هه/1139ع ۾ وفات ڪيائين. اصل سرقسط (اسپين) جو هو. جوانيءَ ۾ ئي ڪنهن زهر ڏنس ۽ وفات ڪيائين. فلسفي، طب، هيئت، طبعي علوم ۽ ڪيميا ۾ سندس مرتبو نهايت بلند هو. سندس لکڻين جو سنڌ ۾ ڪيترن بزرگن تي اثر آهي.


هن صفحي کي شيئر ڪريو

داخلا ۾ استعمال ٿيل تاريخون

0533.00.00  هجري

533هه/1139ع ۾ وفات ڪيائين . اصل سرقسط ( اسپين ) جو هو . جوانيءَ ۾ ئي ڪنهن زهر ڏنس ۽ وفات ڪيائين .


1139.00.00  عيسوي

533هه/1139ع ۾ وفات ڪيائين . اصل سرقسط ( اسپين ) جو هو . جوانيءَ ۾ ئي ڪنهن زهر ڏنس ۽ وفات ڪيائين .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون