داخلا نمبر 2049
عنوان ابو طالب
شاخ شخصيتون
پڙهيو ويو 649 ڀيرا
داخلا جو حوالو انسائيڪلوپيڊيا سنڌيانا جلد پهريون

ابو طالب

اَبُوطالِبُ: حضرت علي عليہ السلام جو والد ۽ رسول ڪريم صه جن جو چاچو، حضرت ابو طالب (85 قبل هجري) 540ع ۾ تولد ٿيو. اصل نالو عمران بن عبدالمطلب هئس. سندس پيءُ عبدالمطلب، قريش قبيلي جي بزرگن ۾ شمار ٿيندو هو. ابوطالب، عبدالمطلب جي وفات کان پوءِ، حضرت رسول ڪريم صه جن کي پنهنجي تربيت هيٺ آندو، ۽ جڏهن نبوت جي دعويٰ کان پوءِ قريشن نبي سڳوري کي تڪليفون ڏيڻ شروع ڪيون ته پنهنجي خاندان جي سربراهه جي حيثيت سان حضرت ابوطالب نبي ڪريم صه جي حفاظت ۽ حمايت جو کلم کلا اعلان ڪيو. حضور صلي الله عليه وسلم جي بيبي خديجته الڪبريٰ رضي الله سان نڪاح جي ڳالهه ٻولهه ڪيائين نڪاح جو خطبو به حضور صلي الله عليه وسلم جن جي چاچي ابو طالب پڙهيو. بعثت کان پوءِ مڪي جي ڪافرن حضور صلي الله عليه وسلم کي جڏهن تنگ ڪيو ته پنهنجي خاندان جي عزت ۽ پنهنجي پياري ڀائٽيي حضور صلعم جي حفاظت ۽ حمايت ۾ ڪمر بسته رهيو، ايستائين جو ڪافرن جي سختين کان تنگ اچي کين ٽن سالن تائين هڪ جبل جي لڪ ۾ رهڻو پيو جيڪو شعب ابي طالب جي نالي سان مشهور آهي. پاڻ شاعر ۽ خطيب جي حيثيت ۾ پڻ گهڻو مشهور آهي. حضرت ابوطالب 88 ورهين جي ڄمار ۾ 620ع (هجري سن کان 3 سال قبل) ۾ وفات ڪئي.


هن صفحي کي شيئر ڪريو

داخلا ۾ استعمال ٿيل تاريخون

0540.00.00  عيسوي

اَبُوطالِبُ: حضرت علي عليہ السلام جو والد ۽ رسول ڪريم صه جن جو چاچو ، حضرت ابو طالب ( 85 قبل هجري ) 540ع ۾ تولد ٿيو .


0620.00.00  عيسوي

حضرت ابوطالب 88 ورهين جي ڄمار ۾ 620ع ( هجري سن کان 3 سال قبل ) ۾ وفات ڪئي .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون