داخلا نمبر 1963
عنوان ابوالحسن ڏاهري
شاخ عالم
پڙهيو ويو 704 ڀيرا
داخلا جو حوالو انسائيڪلوپيڊيا سنڌيانا جلد پهريون

ابوالحسن ڏاهري

ابوالحسن ڏاهري: سنڌيءَ، عربيءَ ۽ فارسيءَ جو شاعر ۽ عالم هو. هو نواب شاهه (هاڻي ضلعي بينظيرآباد) جي ڳوٺ ’ساوڙيءَ‘ ۾ 1116هه/1704ع ۾ ڄائو. 1136هه/1723ع ۾ جهونا ڳڙهه پڙهڻ لاءِ ويو. ڪاٺياواڙ- گجرات جو به سفر ڪيائين. سندس ڪلام ملي نه سگهيو آهي. نثر ۾ طريقت، شريعت، حقيقت ۽ معرفت جهڙن موضوعن تي لکيائين. ان کان سواءِ تصوف ۽ ٻين نڪتن تي پڻ لکيائين. ’ڪچڪول نامو‘ نالي سندس ڪتاب مشهور آهي، جيڪو 1176هه/1762ع ۾ تاليف ڪيائين. ان کان سواءِ ٻيا به ڪيترائي ڪتاب تصوف جي ٻين نڪتن تي لکيائين. ’ساوڙيءَ‘ ۾ مدرسو قائم ڪري درس ۽ تدريس جو شغل اختيار ڪيائين. 1181هه/1767ع ۾ وفات ڪيائين. هاڻوڪي دؤڙ اسٽيشن جي ڀرسان ڏاهرين جي ڳوٺ ۾ ’اَبُل‘ نالي قبرستان ۾ مدفون آهي.
هن عالم جا ڪجهه فارسيءَ ۽ عربيءَ ۾ لکيل قلمي نسخا هٿ آيا آهن، جن جي بنياد تي ڪن محققن جو رايو آهي ته ’مقدمة الصلواة‘ جو مصنف ابوالحسن سنڌي هيءُ آهي، پر اها ڳالهه اڃا تحقيق طلب آهي.


هن صفحي کي شيئر ڪريو

داخلا ۾ استعمال ٿيل تاريخون

1704.00.00  عيسوي

ابوالحسن ڏاهري: سنڌيءَ ، عربيءَ ۽ فارسيءَ جو شاعر ۽ عالم هو . هو نواب شاهه ( هاڻي ضلعي بينظيرآباد ) جي ڳوٺ ’ ساوڙيءَ ‘ ۾ 1116هه/1704ع ۾ ڄائو .



عالم - ڀاڱي جون ٻِيون داخلائون

اصطخرِي
آخوند عبدالرحمان ڀٽي سيتائي
آخوند محمد صالح ڀٽي سيتائي
آخوند الله بخش ڀٽي سيتائي
آخوند مولانا ڇٽو ڀٽي سيتائي
آچاريا شنڪر
الياس عطار قادري
ابڙو احمد
ابڙو اضعف ھالائي
امام ترمذي
عالم ڀاڱي جا وڌيڪ مضمون