داخلا نمبر 3972
عنوان ابولهب
شاخ شخصيتون
پڙهيو ويو 159 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو

ابولهب

ابولهب: ابولهب ولد عبدالمطلبرضه، حضرت محمد مصطفيٰ صلي الله عليه وسلم جو چاچو هو، سندس نالو عبدالعزى ۽ ڪنيت ابو عتبه هئي. مذهب اسلام جو وڏو دشمن هو. قرآن مجيد ۾ هن جي مخالفت ۾ هڪ سورة نازل ٿي. جنهن ۾ ابولهب کي ملعون چيو ويو آهي. جڏهن نبي ڪريم صلي الله عليه وسلم اسلام جي دعوت ڏئي رهيا هئا ته ابو لهب نبي ڪريم صلي الله عليه وسلم جن کي چيو ته، ”تون مرندين ۽ رسوا ٿيندين.“ (نعوذ باالله) جنهن تي نبي ڪريم صلي الله عليه وآلہ وسلم جن خاموش رهيا. ايتري ۾ قرآن پاڪ جي 111 سورة، سورة الهب نازل ٿي. جنهن ۾ ابولهب جي ٻنهي هٿن جي ڀڄڻ ۽ ان جي مال کي ٻرندڙ باهه ۾ وجھڻ جو ذڪر ٿيل آهي. هڪ پيغمبر جي حيثيت سان نبي ڪريم صلي الله عليه وسلم جا تعلقات ابولهب سان سٺا هئا، پر جڏهن نبي ڪريم صلي الله عليه وسلم جن اسلام جي تبليغ ڪئي ته ابولهب پاڻ سڳورن صلي الله عليه وسلم ۽ اسلام جو دشمن ٿي ويو. حضرت ابوطالب کانپوءِ بنو هاشم خاندان جو زوريءَ سربراهه ٿيو ۽ جنگ بدر ۾ مسلمانن سان وڙهندي ابولهب جي وفات ٿي.


هن صفحي کي شيئر ڪريو