داخلا نمبر 2298
عنوان احمد ابراهيم
شاخ شخصيتون
پڙهيو ويو 632 ڀيرا
داخلا جو حوالو انسائيڪلوپيڊيا سنڌيانا جلد پهريون

احمد ابراهيم

احمد ابراهيم: سريلي راڳي ماسٽر محمد ابراهيم جو پٽ آهي. هو ڪراچيءَ ۾ 1949ع ڌاري پيدا ٿيو. راڳ کيس ورثي ۾ مليو. ننڍپڻ کان ئي ڳائڻ شروع ڪيائين. پهرين پنهنجي پيءُ سان گڏ محفلن ۾ ڳائڻ ويندو هو، پوءِ 1965ع ۾ ريڊيو پاڪستان ڪراچيءَ تي آڊيشن ڏنائين ۽ پاس ٿي ويو. ريڊيي تي کيس ان وقت جي ميوزڪ پروڊيوسر خواجه امداد عليءَ متعارف ڪرايو. احمد ابراهيم جا ڪيترائي ڪلام رڪارڊ ٿيا، سندس انداز هوبهو پيءُ جهڙو آهي. هن پاڪستان ٽيليويزن تي به ڳايو. سنڌي، اردو، گجراتي ۽ سرائڪي ٻولين ۾ ڪلام ڳايائين. سنڌيءَ ۽ گجراتيءَ ۾ سندس آڊيو ڪيسٽون به رڪارڊ ٿيون.’احمد ابراهيم‘ جو اصل نالو محمد صديق احمد آهي، پر راڳ جي دنيا ۾ پنهنجي پيءُ جي نالي سان ’احمد ابراهيم‘ سڏائي مشهوري ماڻيائين.


هن صفحي کي شيئر ڪريو

داخلا ۾ استعمال ٿيل تاريخون

1949.00.00  عيسوي

احمد ابراهيم: سريلي راڳي ماسٽر محمد ابراهيم جو پٽ آهي . هو ڪراچيءَ ۾ 1949ع ڌاري پيدا ٿيو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون