داخلا نمبر 2739
عنوان ارباب منور هالو
شاخ شخصيتون
پڙهيو ويو 279 ڀيرا
داخلا جو حوالو

ارباب منور هالو

ارباب منور هالو: منور ارباب هالو، هالا ۾ 1940ع ۾ حاجي عبدالنبي ارباب جي گهر ۾ ڄائو، جنهن کي ڳوٺ ۾ محمد پريل هالو چوندا هئا. هُن
ايم. جي گورنمينٽ اسڪول نيو هالا مان فرسٽ ڊويزن ۾ ميٽرڪ ڪئي. ڊي. جي ڪاليج ڪراچيءَ مان بي. ايس. سي ۽ آءِ بي اي مان 1966ع ۾ ايم. بي. اي ڪيائين. هن عملي زندگيءَ جي شروعات بينڪر طور ڪئي ۽ ڪيترن ئي اهم عهدن تي رهندي 2000ع ۾ رٽائر ڪيائين. ملازمت دوران پاڻ مختلف ملڪن مان بينڪنگ جا ڪورس ڪيائين، آئرلينڊ ان کانسواءِ هو سئيزرلينڊ ۾ پاڪ سئيس ڪلچرل ايسوسيئيشن جو وائيس پريزيڊنٽ ۽ پاڪ سئيس چيمبر آف ڪامرس زيورخ سئيزرلينڊ جو ڊائريڪٽر به رهيو آهي.
رٽائرمينٽ کانپوءِ هيٺيان ڪتاب انگريزيءَ ۾ لکيائين.
i. Spiritualism in the Poetry of Shah Abdul Latif Bhittai.
ii. Understanding Concepts of Commercial Banking.
iii. Hala & Hallas in Historical Perspective.
شاهه لطيف جي شاعريءَ جو ترجمو جيڪو شاهه لطيف چيئر 2005 ۾ ڇاپيو:
هو سماجي ڀلائيءَ جي تنظيمن جو پڻ سرگرم ڪارڪن رهيو آهي، جن ۾ سگا، سنڌي اسپيڪنگ فورم ۽ سنڌ سرونٽس سوسائٽي شامل آهن. هن وقت ڪراچيءَ ۾ رهائش پذير آهي.


هن صفحي کي شيئر ڪريو