داخلا نمبر 1283
عنوان اسير ملاح
شاخ شاعر
پڙهيو ويو 479 ڀيرا
داخلا جو حوالو
اسير ملاح

اسير ملاح

اسير ملاح

اسير ملاح: مشهور شاعر ’اسير‘ ملاح جو اصل نالو محمد ابراهيم ولد ڇتو خان ميربحر آهي. هن 6 مئي 1957ع تي ڳوٺ ڪاري کهي، تعلقي ڪوٽڙي، ضلعي دادوءَ ۾ جنم ورتو. پرائمري تعليم ڳوٺ ۾ حاصل ڪرڻ کان پوءِ مئٽرڪ گورنمينٽ هاءِ اسڪول ڪوٽڙيءَ مان ڪيائين. ايم. اي (سنڌي) 1987ع ۾ ڪيائين. هن وقت پنهنجي گورنمينٽ مڊل اسڪول الهه بچايو شوري ۾ JST آهي. سنڌي ادبي سنگت ڪوٽڙيءَ جو بنيادي ميمبر ۽ مرڪزي آڊيٽر به رهيو آهي. 1969ع کان شاعري ڪرڻ شروع ڪيائين، نثر ۾ مضمون ۽ ڪهاڻي سندس پسند جا موضوع آهن. سندس ڇپيل مواد ۾ 200 کان مٿي گيت، غزل ۽ نظم وغيره، سنڌي زبان جي مختلف ادبي رسالن ۾ شايع ٿي چڪا آهن. شاعريءَ جا ٽي ڪتاب ۽ هڪ ڪتاب ڪهاڻين ۽ مضمونن جو ترتيب ڏنل اٿس. ريڊئي ۽ ٽي ويءَ تان سندس ويهارو کن گيت ۽ غزل ڳايا ويا آهن. سنڌوءَ جي دريائيءَ ٻوليءَ تي مهارت رکي ٿو، ٻيڙين، مڇين ۽ درياهي شڪار بابت گهڻي ڄاڻ اٿس.هن وقت جگر جي بيماري سبب بستري تي داخل آهي ۽ پوءِ به حوصلي سان پنهنجي غزلن جو ڪتاب ترتيب ڏنو اٿس، جيڪو ڇپائيءَ هيٺ آهي.


هن صفحي کي شيئر ڪريو

داخلا ۾ استعمال ٿيل تاريخون

1957.05.6  عيسوي

اسير ملاح 6 مئي 1957ع تي ڳوٺ ڪاري کهي، تعلقي ڪوٽڙي، ضلعي دادوءَ ۾ جنم ورتو



شاعر - ڀاڱي جون ٻِيون داخلائون

باغي حليم
بائرن
آثم ناٿن شاهي
بچل
بخشڻ شاهه
بدر شاهه
بدر قريشي
ٻڍل فقير
ٻڍڙو فقير
ٻال ڪرشن ڊي ڪمل سرتاج
شاعر ڀاڱي جا وڌيڪ مضمون