صحافي اعجاز منگي
اعجاز منگي
اعجاز منگي: صحافي، ڪالم نگار ۽ شاعر اعجاز منگي ولد نجم الدين منگي،15 آڪٽوبر 1964ع تي شڪارپور ۾ جنم ورتو. ڪراچي يونيورسٽيءَ ۾ ٻه سال ”فلسفي“ جي تعليم ورتي. ايم. اي (انگريزي) سنڌ يونيورسٽي، ڄام شوريمان ڪيائين. هو تعليم سان گڏوگڏ ترقي پسند سياست سان به لاڳاپيل رهيو. هو ٻارن جي تنظيم ”ساٿي ٻارڙا سنگت“ جو باني سرپرست، ڪميونسٽ پارٽي آف پاڪستان جو ڪارڪن ۽ ڊيموڪريٽڪ اسٽوڊنٽس فيڊريشن جو اڳواڻ رهيو. اعجاز منگي مئٽرڪ واري زماني ۾ 1980ع ڌاري شاعري شروع ڪئي. اعجاز منگيءَ صحافت ۾ روزاني ”سنڌ نيوز“ کان شروعات ڪئي. ”عبرت مئگزين“ جي ايڊيٽوريل بورڊ جو ميمبر، روزاني ڪاوش جي ايڊيٽوريل صفحي جو انچارج به رهيو ۽ روزاني ”سنڌ“ جو ايڊيٽر رهي چڪو آهي. هن باقاعده سنڌي ڪالم نگاريءَ جي ابتدا 1992 ڌاري روزاني ”ڪاوش“ کان ڪئي. هن ڪالم نگاريءَ ۾ نئون انداز متعارف ڪرايو. هن جي ڪالمن کي سنڌ ۾ تمام گهڻي شھرت ملي. روزاني ڪاوش کان پوءِ هن روزاني ’سنڌ‘، ’تعمير سنڌ‘، ’سچ‘ ۽ ’عبرت‘ جي لاءِ ڪالم لکيا. هن جي ڪالمن ۾ شاعراڻو نثر ۽ هن جي ٻوليءَ ۾ تمام گهڻي رومانيت موجود هوندي آهي. سنڌيءَ کان سواءِ اعجاز منگي اردو ٻوليءَ ۾ به ڪالم نگاري ڪئي آهي، جڏهن ته هو انگريزي اخبا ”The News“ ۾ به ’فري لانسر‘ طور لکندو رهيو آهي. نوجوان شاعر ۽ ڪالم نگار سردار شاهه سان گڏ ”افيئر“ رسالي جا ڪجهه پرچا جاري ڪيا. هن جو هڪ منظوم ڊرامو ”مڪليءَ مٿان وڄ“، ماهنامي ’پروڙ‘ ۾ شايع ٿيو. ان منظوم ڊرامي ۽ سندس ٻئي هڪ طويل نظم ”گورباچوف“ ڪافي مقبوليت ماڻي. سندس آخري نظم ڪتابڙي جي صورت ۾ ڇپيل آهي. سال 27 جولاءِ 2006ع کان 16 اپريل 2008ع تائين سنڌي ادبي بورڊ جو سيڪريٽري رهيو. سندس سنڌي ۽ اردو ڪالمن جا ٻه مجموعا ’اناالحق‘ ۽ ”مقتل مين محبت“ جي نالي سان شايع ٿيل آهن.
لفظ اعجاز منگيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1965.10.12 عيسوي
نوجوان صحافي ، ڪالم نگار ۽ شاعر -اعجاز منگي- ولد نجم الدين منگي ، -اعجاز منگي15 آڪٽوبر 1964ع تي شڪارپور ۾ جنم ورتو
صحافي - ڀاڱي جون ٻِيون داخلائون
ستار وسطڙوزيڊ اي شيخ
ابوبڪر خان مگسي
پريم شواڻي
اشتياق اظهر
علي محمد شيخ
اعجاز منگي
سيد سردار علي شاهه ذاڪر
جاويد ڀٽي
پروانونور محمد