داخلا نمبر 3946
عنوان اقبال ملاح
شاخ شخصيتون
پڙهيو ويو 1018 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو
اقبال ملاح

اقبال ملاح

اقبال ملاح

اقبال ملاح: اقبال ملاح سنڌ جو نامور صحافي آهي. هن جو پورو نالو محمد اقبال ملاح آهي. هن ميهڙ تعلقي جي ڳوٺ گهاڙي ۾ پهرين فيبروري 1970ع تي واحد بخش ملاح جي گهر ۾ جنم ورتو. هي ڳوٺ نامور سنڌي ليکڪا بادام ناتوان ۽ مشهور سياستدان مير ٿيٻي جو ڳوٺ آهي. اقبال ملاح، پرائمري تعليم حيدرآباد تعلقي جي نوناري ڳوٺ ۾ مئٽرڪ گورنمينٽ هاءِ اسڪول ميهڙ، انٽر، گورنمينٽ ڪاليج خيرپور ناٿن شاهه ۽ ايم. اي (پوليٽيڪل سائنس) سنڌ يونيورسٽيءَ مان ڪئي. اقبال ملاح ساٿي ٻارڙا سنگت جي تنظيم ڪاريءَ ۾ وڏو ڪردار ادا ڪيو. هن شاگرد تحريڪ ۾ ڪميونسٽ پارٽيءَ جي شاخ ڊي. ايس. ايف جي ميمبر جي حيثيت ۾ وڏو ڪردار ادا ڪيو. هي ڪميونسٽ پارٽي آف سنڌ جو ميمبر ۽ ڊي ايس ايف سنڌ جو سيڪريٽري جنرل رهي چڪو آهي. سياست دوران هن جو لاڙو صحافت ڏانهن رهيو. 1991ع کان هن روزاني ڪاوش اخبار کان عملي صحافتي زندگيءَ جي شروعات ڪئي، ان بعد ڪوشش، عبرت، جنگ ۽ ٻين اخبارن ۾ پڻ ڪم ڪيو. هي روزاني پاڪ ۽ روزاني دعا اخبارن جو ايڊيٽر رهي چڪو آهي. حيدرآباد پريس ڪلب جو صدر ۽ جنرل سيڪريٽري پڻ رهي چڪو آهي. هن پنهنجي هم خيال ساٿين سان گڏ پريس ڪلب حيدرآباد ۾ نين روايتن کي جنم ڏنو، جن ۾ نامور ڪهاڻيڪار امر جليل سان رهاڻ ۽ کيس پريس ڪلب جو تاحيات ميمبر ڪرڻ ۽ ٻيون ڪيتريون ادبي ۽ ثقافتي سرگرميون شامل آهن. ٻين ساٿين سان گڏجي اقبال ملاح هن وقت روزاني عوامي آواز ڪراچيءَ جو حيدرآباد بيورو جو انچارج آهي. هن سياست ۽ سماجي موضوعن تي مختلف اخبارن ۾ ڪافي مضمون، ڪالم، اسٽوريون ۽ فيچر لکيا آهن. سنڌ جي قومي مسئلن ۽ سياسي مسئلن تي هن جي قلم هميشه جرئت جو مظاهرو ڪيو آهي. حيدرآباد جي صحافتي زندگيءَ ۾ کيس سٺن صحافين ۾ شمار ڪيو وڃي ٿو.


هن صفحي کي شيئر ڪريو

داخلا ۾ استعمال ٿيل تاريخون

1970.02.01  عيسوي

اقبال ملاح: اقبال ملاح سنڌ جو نامور صحافي آهي . هن جو پورو نالو محمد اقبال ملاح آهي . هن ميهڙ تعلقي جي ڳوٺ گهاڙي ۾ پهرين فيبروري 1970ع تي واحد بخش ملاح جي گهر ۾ جنم ورتو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون