داخلا نمبر 3974
عنوان التتمش
شاخ شخصيتون
پڙهيو ويو 705 ڀيرا
داخلا جو حوالو انسائيڪلوپيڊيا سنڌيانا پهرين جلد جو ضميمو

التتمش

التتمش: شمس الدين التتمش، البري قبيلي جي سردار ايلم خان جو پٽ هو. ننڍپڻ ۾ ئي ڀائرن جي حسد جو شڪار ٿيو ۽ غلام جي حيثيت ۾ وڪرو ٿي ويو. آخري دفعو وڪرو ٿي قطب الدين ايبڪ وٽ پهتو. سندس انتظامي صلاحيت جي ڪري ايبڪ هن کي برن، بدايون ۽ گواليار جو حاڪم مقرر ڪيو. پنجاب جي کوکرن جي خلاف ڪارڪردگيءَ ڏيکارڻ جي بدلي ۾ سندس غلامي ختم ٿي ۽ آزاد درجو حاصل ڪيائين ۽ چهل گاني جي اميرن جو سربراهه ٿيو. 1211ع ۾ دهليءَ تي حملو ڪيائين ۽ بادشاهه هئڻ جو اعلان ڪيائين. 1216ع ۾ ترائن واري هنڌ وٽ تاج الدين کي شڪست ڏنائين. 1226ع ۾ رنٿمبور جي رياست فتح ڪيائين. ان کان پوءِ اُچ، گواليار ۽ بنون تي به حملو ڪيائين. دهليءَ واپس پهتو، جتي بيماريءَ جي حالت ۾ 633هه/ 1236ع ۾ وفات ڪيائين. هن دهليءَ ۾ مسجد قوت الاسلام ۽ قطب مينار ٺهرايو. التتمش جي وفات کانپوءِ سندس پٽ رڪن الدين فيروز شاهه کي تخت تي ويهاريو ويو، پر ان جي وقت ۾ ڪيتريون ئي انتظامي خرابيون پيدا ٿيون جنهن ڪري سندس حڪومت ناڪام ٿي، پوءِ سندس ڀيڻ رضيه سلطانه کي تخت تي ويهاريو ويو، جيڪا بهادر ۽ انتظامي معاملن کي سمجهندڙ هئي، ان کي تمام گهڻي عوامي موٽ ملي.


هن صفحي کي شيئر ڪريو

داخلا ۾ استعمال ٿيل تاريخون

1211.00.00  عيسوي

1211ع ۾ دهليءَ تي حملو ڪيائين ۽ بادشاهه هئڻ جو اعلان ڪيائين


0633.00.00  هجري

ان کان پوءِ اُچ ، گواليار ۽ بنون تي به حملو ڪيائين . دهليءَ واپس پهتو ، جتي بيماريءَ جي حالت ۾ 633هه/ 1236ع ۾ وفات ڪيائين .


1236.00.00  عيسوي

ان کان پوءِ اُچ ، گواليار ۽ بنون تي به حملو ڪيائين . دهليءَ واپس پهتو ، جتي بيماريءَ جي حالت ۾ 633هه/ 1236ع ۾ وفات ڪيائين .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون