داخلا نمبر 1569
عنوان الطاف شيخ
شاخ شخصيتون
پڙهيو ويو 631 ڀيرا
داخلا جو حوالو انسائيڪلوپيڊيا سنڌيانا جلد پهريون
ناميارو ليکڪ الطاف شيخ

ناميارو ليکڪ الطاف شيخ

الطاف شيخ

الطاف شيخ: سنڌيءَ ۾ سفرنامي جي صنف جي حوالي سان مشهور ليکڪ سنڌ جو هي انوکو ۽ گهڻو لکندڙ ليکڪ طبيعت جو نهٺو ۽ محبتي انسان آهي، سڄي دنيا جا سامونڊي سفر ڪيا اٿس ۽ شايد ئي ڪو ملڪ هجي جيڪو نه ڏٺو هجيس. هن کي سنڌ جو ”سند باد“ چوڻ ۾ ڪو به وڌاءُ نه ٿيندو. الطاف شيخ 14 نومبر 1944ع ۾ نوان هالا، سنڌ ۾ ڄائو. سڄي دنيا گهمي، پنهنجن سفرن کي سهيڙي، ڪتابي شڪل ڏيڻ وارو سفرناما لکندڙ ليکڪ آهي. سندس پيءُ جو نالو گل محمد شيخ آهي. تعليم حاصل ڪرڻ کان پوءِ هو مئرين انجنيئرنگ شپنگ ڪارپوريشن، ڪراچيءَ سان وابسته ٿي ويو. ان کان پوءِ هو جڏهن به دنيا جي ڪنهن به ملڪ ۾ ويندو رهيو ته اتان جي سياسي، سماجي، ثقافتي ۽ معاشي زندگيءَ جو گهرو مشاهدو ڪري سفرناما لکندو هو. هيل تائين چاليهن کان مٿي سفرناما لکي چڪو آهي. سندس ٻولي سهڻي سادي ۽ اثرائتي آهي. سندس تحريرن جي خاص ڳالهه اها آهي ته هو ٻين معاشرن کي سنڌ جي معاشري سان ڀيٽيندو هلي ٿو، جنهنڪري پڙهندڙ جو اتساهه ختم نٿو ٿئي ۽ هو يڪساهيءَ ڪتاب پڙهي مڪمل ڪري ٿو. الطاف شيخ ان کان سواءِ پرڏيهي ادب مان چونڊ ڪهاڻيون به سنڌيءَ ۾ ترجمو ڪيون اٿس. اهڙين ڪهاڻين جا ڪجهه مجموعا، ’لنڊن تائين لفٽ‘، ’سوزيءَ سان پيار‘ ۽ ’اناميڪا‘ آهن. سندس ڪجهه مشهور سفرناما ’منهنجو ساگر منهنجو ساحل‘، ’بندر بازاريون‘، ’سمونڊ جن ساڻيهه‘، ’جاپان جن جي جيءَ ۾‘، ’ارائونڊ دي ورلڊ‘ ۽ ’اي جرني ٽو ٿائيلنڊ‘ وغيره آهن. ميرين اڪيڊميءَ ۾ استاد ۽ بحريه ڪاليج ۽ اسڪول، ڪراچيءَ جو پرنسپال رهي چڪو آهي. هن وقت رٽائر ٿي چڪو آهي ۽ ڪراچيءَ پذير آهي. سندس سفرناما هر عمر جي پڙهندڙن جي دلچسپيءَ جو سبب آهن.


هن صفحي کي شيئر ڪريو

داخلا ۾ استعمال ٿيل تاريخون

1944.11.14  عيسوي

الطاف شيخ 14 نومبر 1944ع ۾ نوان هالا ، سنڌ ۾ ڄائو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون