داخلا نمبر 4360
عنوان الهبچايو ٽالپر
شاخ شخصيتون
پڙهيو ويو 619 ڀيرا
داخلا جو حوالو انسائيڪلوپيڊيا سنڌيانا جي پهرين جلد جو ضميمو

الهبچايو ٽالپر

الهبچايو ٽالپر: نامور سياستدان مير الهبچائي ٽالپر 1913ع ڌاري جهڏي ضلعي ميرپورخاص ۾ جنم ورتو. سندس وڏا اصل خيرپور ميرس جا هئا، جتي اڄ به سندن وڏي لقمان خان ٽالپر جي نالي سان منسوب’لقمان پاڙو‘ مشهور آهي. بعد ۾ ڏيڍ سؤ سال اڳ اچي جهڏي شهر ۾ آباد ٿيا.
مير الهبچائي ورهاڱي کان اڳ انگلينڊ مان گرئجوئيشن ۽ آمريڪا جي ٽيڪساس يونيورسٽي مان ماسٽرس جي ڊگري حاصل ڪري، هن سنڌ جي پهرين ايم. ايس. سي (زراعت) هئڻ جو اعزاز ماڻيو. هن لنڊن مان ميون جي پالنا ۽ پولٽري فارم متعلق به خصوصي تعليم حاصل ڪئي، جنهن کانپوءِ هن سنڌ ۾ پهريون ميون جو پولٽري فارم ميرپورخاص ۾ قائم ڪيو. هو آل انڊيا ڪيٽل شو دهليءَ جي ڪميٽيءَ جو سنڌ مان ميمبر ۽ پئنل جج پڻ چونڊيو ويو. مير الله بچايو بئنڪ آف پاڪستان'>اسٽيٽ بئنڪ آف پاڪستان، ڪامرس بئنڪ ۽ مسلم ڪمرشل بئنڪ جو اعزازي ڊائريڪٽر به رهيو.
مير الهبچائي ٽالپر جو شمار خاڪسار تحريڪ جي باني علامه
عنايت الله مشرقيءَ جي انتهائي ويجهن ساٿين ۾ ٿيندو هو. پاڻ سنڌ جي قانون ساز اسيمبلي، اولهه پاڪستان جي ون يونٽ اسيمبلي ۽ مجلس شوريٰ جو ميمبر پڻ رهيو. مسلسل اٺ سال بيماريءَ جي بستري تي رهڻ سبب سياسي ۽ سماجي سرگرمين کان پاسيرو رهيو. ڊگهيءَ علالت بعد 24 مئي 2005ع تي 92 ورهين جي ڄمار ۾ وفات ڪيائين. کيس جهڏي جي اباڻي قبرستان ۾ دفن ڪيو ويو.


هن صفحي کي شيئر ڪريو

داخلا ۾ استعمال ٿيل تاريخون

00.00.1913  عيسوي

نامور سياستدان مير الهبچائي ٽالپر 1913ع ڌاري جهڏي ضلعي ميرپورخاص ۾ جنم ورتو .


24.05.2005  عيسوي

الهبچايو ٽالپر 24 مئي 2005ع تي 92 ورهين جي ڄمار ۾ وفات ڪيائين .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون