الهه اوڀايو جوڻيجو: فقير الهه اوڀايو ولد فقير غلام قمبر جوڻيجو ڳوٺ ’منهه‘ تعلقي ميرو خان جو ويٺل هو. پاڻ عوامي شاعر ڇتي فقير سانگيءَ جو صحبتي ۽ طالب هو ۽ کانئس فيض حاصل ڪيو هئائين. ڊاڪٽر نبي بخش بلوچ لکي ٿو ته:’الهه اوڀايو ولد قمبر فقير ڌامراهه ڳوٺ ضلعي لاڙڪاڻي ۾ مدفون آهي. هو فقير خداداد ولد غلام حيدر جو سؤٽ هو. الهه اوڀايي جو ڪلام عارفاڻي رنگ جو آهي. سندس ڪافين ۾ عاشقاڻن امنگن جو اظهار عام جام نظر اچي ٿو. هو ڪافي گو شاعر هو. سندس ڪلام ٽڙِيل پکڙيل آهي. هن 1920ع ڌاري وفات ڪئي.‘ سندس ڪلام جو نمونو هيٺ ڏجي ٿو:
دل منهنجي کي دلبر، لاتو جادو ڙي،
زيور پائي ڳهڻا، ڪيو سينگار سهڻا
ڪات اکين جي ڪهڻا،خنجر هنيا کوڙي
00.00.1920 عيسوي
الهه اوڀايو جوڻيجو 1920ع ڌاري وفات ڪئي .