داخلا نمبر 1691
عنوان الهڏنو خاصخيلي فقير
شاخ شخصيتون
پڙهيو ويو 286 ڀيرا
داخلا جو حوالو انسائيڪلوپيڊيا سنڌيانا جلد پهريون
راڳي الهڏنو خاصخيلي فقير

راڳي الهڏنو خاصخيلي فقير

الهڏنو خاصخيلي فقير

الهڏنو خاصخيلي، فقير: فقير الهڏنو خاصخيلي ولد محمد علي خاصخيلي 1952ع ڌاري، ڳوٺ ڌڻي بخش خاصخيلي، لڳ پاڪ سنگهار، تعلقي ٽنڊي الهيار ۾ ڄائو. پرائمري تائين تعليم حاصل ڪري، ننڍي هوندي کان ئي ڳائڻ شروع ڪيائين.
1965ع ۾ فقير طالب حسين جسڪاڻيءَ جي شاگرديءَ ۾ اچي راڳ سکڻ لڳو. 1994ع ڌاري ريڊيو پاڪستان حيدرآباد تان ڳائڻ جي شروعات ڪيائين. راڳ تي مهارت سبب، ريڊيو پاڪستان پاران، 1995ع ۾ کيس فضل فقير سان سُنگ جي صورت ۾ ڳائڻ لاءِ برطانيا جي دؤري تي موڪليو ويو، جتي کيس سٺي مڃتا ملي. ٽيليويزن تي به سنگ جي صورت ۾ ڪيترائي پروگرام ڪري چڪو آهي. سنڌ جي وڏن وڏن ميلن ۾ ڳائي چڪو آهي. سندس پٽ ذوالفقار علي خاصخيليءَ جو هڪ آڊيو البم پڻ مارڪيٽ ۾ اچي چڪو آهي. سندس ٻيو پٽ ديدار علي خاصخيلي، نئين ٽهيءَ جي شاعرن ۾ شمار ٿئي ٿو.


هن صفحي کي شيئر ڪريو

داخلا ۾ استعمال ٿيل تاريخون

1952.00.00  عيسوي

فقير الهڏنو خاصخيلي 1952ع ڌاري تعلقي ٽنڊي الهيار ۾ ڄائو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون