امان الله ’مفلح ‘:امان الله ’مفلح‘ ولد مولوي جان محمد مهر 16 جنوري 1916ع تي ڪوٽ عبدالله خان، تعلقي ڳڙهي ياسين، ضلعي شڪارپور ۾ ڄائو. پرائمري تعليم پنهنجي ڳوٺ ۾ حاصل ڪرڻ کانپوءِ ڳڙهي ياسين ۾ مولانا محمد ابراهيم وٽ عربي ۽ فارسي تعليم حاصل ڪيائين ۽ ان جي ئي صحبت ۾ رهي شاعريءَ ۾ طبع آزمائي ڪيائين. 1960ع ۾ هن باقائدي شاعري شروع ڪئي. سنڌيءَ سان گڏ اردو، فارسي ۽ سرائڪي ٻولين ۾ به شاعري ڪيائين. هُن نعت، غزل، مولود، نظم، گيت، وائي ۽ ڪافيءَ جي صنفن تي طبع آزمائي ڪئي. مفلح جي شاعريءَ جا ڏهه ننڍا ڪتابڙا شايع ٿي چڪا آهن. جن مان: (1) ’گلشن نعت‘ (2) ’گلشن بهار‘
(3) ’رازِ محبت‘ (4) ’سازِ محبت‘ (5) ’ثناءِ احمدي‘ (6) ’خيالات وغيره قابلِ ذڪر آهن. امان الله ’مفلح‘ نهايت نيڪ ۽ پرهيزگار انسان هو. مسجد ۾ پيش امام جا فرض به انجام ڏيندو هو ۽ شڪارپور جي اڪثر مشاعرن ۾ شرڪت ڪندو هو. هن 28 جنوري 1986ع تي وفات ڪئي.
16.01.1916 عيسوي
امان الله ’ مفلح ‘ ولد مولوي جان محمد مهر 16 جنوري 1916ع تي ڪوٽ عبدالله خان ، تعلقي ڳڙهي ياسين ، ضلعي شڪارپور ۾ ڄائو .
28.01.1986 عيسوي
امان الله ’ مفلح ‘ 28 جنوري 1986ع تي وفات ڪئي .