داخلا جي تاريخ 2012-03-12
داخلا نمبر 2514
عنوان اندرا واسواڻي
شاخ شخصيتون
پڙهيو ويو 331 ڀيرا
داخلا جو حوالو انسائيڪلوپيڊيا سنڌيانا جلد پهريون
اندرا واسواڻي

اندرا واسواڻي

اندرا واسواڻي

اندرا واسواڻي: اندرا واسواڻي جديد سنڌي ڪهاڻيءَ ۾ اهم نالو آهي. هن 21 آگسٽ 1936ع تي ميرپور خاص، سنڌ ۾ جنم ورتو. ايم. اي. ايس، ٽي. سي ۽ بي. ايڊ تائين تعليم حاصل ڪيائين. جي. ايس آدرش ڪنيا مها وديالا گانڌيڌام (ڪڇ) جي پرنسپال رهي چڪي آهي. هن وقت رٽائرڊ زندگي گذاري رهي آهي. هن پهرين ڪهاڻي ”کيٽو“ عنوان سان 1958ع ۾ لکي. هن ڪهاڻين لکڻ سان گڏ شاعري ڪئي ۽ مضمون به لکيا آهن. سندس مختصر ڪهاڻين جو پهريون مجموعو ”نالو“ آهي، جڏهن ته سندس ڪهاڻين جا ٻه ٻيا مجموعا ”منجري، سنڌي ٽائيمس“ پبليڪيشن الهاس نگر پاران اپريل 1996ع ۾ ۽ ”ٿر“، ڪونج پبليڪيشن ممبئيءَ پاران جنوري 2002ع ۾ ڇپجي مقبوليت ماڻي چڪا آهن. هن ڪهاڻين ۾ عورت جي جذبن جي عڪاسي ڪئي آهي. هوءَ هڪ ماهر تعليم دان آهي ۽ ڀارت سرڪار کيس ”اعليٰ اڌياپڪا“ جو خطاب ڏئي سندس مڃتا ڪئي آهي. هن جون ڪهاڻيون هندستان جي ڪيترين ئي زبانن ۾ ترجمو ٿي چڪيون آهن. هوءَ مشهور ڪوتاڪار، ڪهاڻيڪار ۽ نقاد هريش واسواڻيءَ جي گهر واري آهي ۽ هن وقت آديپور (ڪڇ) ۾ رهائش پذير آهي.


هن صفحي کي شيئر ڪريو

داخلا ۾ استعمال ٿيل تاريخون

1936.08.21  عيسوي

اندرا واسواڻي 21 آگسٽ 1936ع تي ميرپور خاص ، سنڌ ۾ جنم ورتو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون