داخلا نمبر 3220
عنوان انور علي شاهه ، ڊاڪٽر
شاخ شخصيتون
پڙهيو ويو 583 ڀيرا
داخلا جو حوالو انسائيڪلوپيڊيا سنڌيانا (جلد پهريون)
ڊاڪٽر انور علي شاهه

ڊاڪٽر انور علي شاهه

انور علي شاهه ، ڊاڪٽر

انور علي شاهه ، ڊاڪٽر: تعليمي ماهر ۽ آءِ . بي . اي سنڌ يونيورسٽيءَ جو ڊائريڪٽر ، ڊاڪٽر انور علي شاهه ، پهرين جنوري 1953ع تي ڳوٺ اڀريي شاهه ، تعلقي موري ، ضلعي نوشهري فيروز ۾ ڄائو . سندس والد جو نالو سيد غلام شاهه آهي . ڊاڪٽر صاحب مئٽرڪ 1969ع ۾ ، انٽر 1971ع ۾ ۽ بي . ڪام 1973ع ۾ سنڌ يونيورسٽيءَ مان ڪئي . 1977ع ۾ سنڌ يونيورسٽيءَ جي ڪامرس ڊپارٽمينٽ ۾ ليڪچرر مقرر ٿيو . جڏهن ته ايل . ايل . بيءَ جو امتحان 1981ع تي فرسٽ پوزيشن ۾ پاس ڪيائين . تعليمي سفر جاري رکندي هن 1989ع ۾ انگلنڊ جي ” ڪارڊف بزنس اسڪول “ ( Cardiff Business School UWIST ) مان پي . ايڇ . ڊي ڪئي . 1996ع ۾ آ . بي . ايس سکر جو باني ڊائريڪٽر مقرر ٿيو .
بئڪنگ ، مئنيجمينٽ ، مارڪيٽنگ ۽ ٻين موضوعن تي لکيل سندس ڪيترائي تحقيقي مضمون ڇپجي چڪا آهن . ان کان سواءِ سندس ” بئنڪنگ “ تي لکيل مشهور ڪتاب ڪفايت اڪيڊميءَ طرفان ڇپايو ويو ، جيڪو پاڪستان جي سمورن بورڊن کان سواءِ ڪيترن ئي پرڏيهي ملڪن ۾ نصاب طور پڙهايو وڃي ٿو . پاڻ هن وقت سنڌ يونيورسٽيءَ ۾ فيڪلٽي آف بزنس ۽ ڪامرس جي ڊين جي حيثيت سان خدمتون انجام ڏئي رهيو آهي . ان کان سواءِ يونيورسٽيءَ جي سينيٽ ، سنڊيڪيٽ ۽ اڪيڊمڪ ڪائونسل جو ميمبر پڻ آهي . ڊاڪٽر صاحب پرڏيهي ڪانفرنس ۽ ورڪشاپن ۾ ڪيترائي ڀيرا شرڪت ڪري چڪو آهي .


هن صفحي کي شيئر ڪريو