داخلا نمبر 2102
عنوان اٽڪ
شاخ شهر
پڙهيو ويو 670 ڀيرا
داخلا جو حوالو انسائيڪلوپيڊيا سنڌيانا جلد پهريون
اٽڪ جو قلعو

اٽڪ جو قلعو

اٽڪ شهر جو هڪ منظر

اٽڪ شهر جو هڪ منظر

اٽڪ جو اهو علائقو جتي سنڌو دريا ۽ ڪابل دريا پاڻ ۾ ملن ٿا

اٽڪ جو اهو علائقو جتي سنڌو دريا ۽ ڪابل دريا پاڻ ۾ ملن ٿا

اٽڪ

اٽڪ: ضلعي ڪيمبلپور جو نئون نالو، جيڪو 1978ع ۾ رکيو ويو. هيءُ پنجاب جي اترئين حصي جو هڪ نهايت اهم هنڌ آهي، جتي سنڌو درياءُ ۽ ڪابل درياءُ ڪُنڊيالي ماڳ وٽ اچي گڏجن ٿا ۽ ٻن رنگن جو ڌار ڌار پاڻي وهندو نظر اچي ٿو.
هتي 1581ع ۾ شهنشاهه اڪبر هڪ مضبوط قلعو ٺهرايو هو، جيڪو اڃا تائين موجود آهي. اڳ ۾ سنڌو درياءَ کي هن گهيڙ وٽان پار ڪيو ويندو هو. هتي ٻيڙين جي پل هوندي هئي. هيءُ ماڳ هن وقت به تاريخي حيثيت رکي ٿو. هن جڳهه کي ’دارالهند‘ به چوندا هئا، پر پوءِ اٽڪ ئي عام لنگهه ٿي ويو. جنهن جي لفظي معنيٰ آهي ’ريدڪ يا رنڊڪ‘ سنڌوءَ جو وهڪرو افغانستان کان ايندڙ لشڪرين آڏو قدرتي ۽ مستقل ’اٽڪ‘ بڻجي ٿو. ان ئي سبب کان هتي مستقل فوجي ڇانوڻي ٺهي جنهن جي چوڌاري هوريان هوريان شهر آباد ٿي ويو. هتي درياءَ تي هڪ نهايت مضبوط لوهي ريلوي پل آهي. هن شهر ۾ ٻاجهريءَ ۽ ڪڻڪ جي زرعي منڊي آهي. هتي هيلي ڪاپٽر ۽ مِراج جهازن جي مرمت وغيره جو اڏو پڻ آهي، جيڪو 1978ع ۾ قائم ٿيو هو.


هن صفحي کي شيئر ڪريو

داخلا ۾ استعمال ٿيل تاريخون

1978.00.00  عيسوي

اٽڪ: ضلعي ڪيمبلپور جو نئون نالو ، جيڪو 1978ع ۾ رکيو ويو .



شهر - ڀاڱي جون ٻِيون داخلائون

باقراڻي
بٺورو
بخارا
بدين
ٻانڀڻاهه
ٻانڌي
ٻٻرلوءِ
ازبڪستان
ٻنگار (شهر)
ٻنون (شهر)
شهر ڀاڱي جا وڌيڪ مضمون