داخلا نمبر 401
عنوان بحري جهاز
شاخ جهاز
پڙهيو ويو 1999 ڀيرا
داخلا جو حوالو انسائيڪلوپيڊيا سنڌيانا - جلد پهريون
بحري جهاز جو آڳاٽو نمونو

بحري جهاز جو آڳاٽو نمونو

بحري جهاز ان جا حصا

بحري جهاز ان جا حصا

مسافر بحري جهاز

مسافر بحري جهاز

مال بردار بحري جهاز

مال بردار بحري جهاز

بحري جهاز، پاڪستان نيوي جو جنگي جهاز

بحري جهاز، پاڪستان نيوي جو جنگي جهاز

بحري جهاز

بحري جهاز: سمنڊ ۾ هلندڙ جهازن کي بحري جهاز چيو ويندو آهي. انساني ارتقا دوران جڏهن انسان وڌيڪ سمجهدار ٿيو ۽ ڪاٺيءَ کي پاڻيءَ ۾ ترندي ڏٺائين، ته پوءِ هو ڪاٺين ذريعي دريائن ۽ سمنڊن ۾ ترڻ لڳو. انسان جيئن جيئن ترقي ڪندو ويو، تيئن هن ڪاٺين کي گڏي کُڏ جيان ٻيڙيءَ جو بنياد وڌو ۽ ان تي ويهي سفر ڪرڻ لڳو ۽ ان ذريعي سامان کڻڻ شروع ڪيائين. اهڙيءَ طرح انسان ترقي ڪري ٻيڙي ٺاهي. تاريخ مان پتو پوي ٿو ته 6300 ق.م ۾ پهرين ٻيڙي ٺاهي ويئي، جنهن جا آثار ماهرن ڳوليا. 400 ق. م ۾ مصرين ڊگهين ٻيڙين ٺاهڻ جو رواج وڌو ۽ پوءِ سڙهن جو استعمال ڪيو. ان سان اهو فائدو ٿيو، جو ٻيڙي درياءُ جي اوڀاري طرف به هلڻ لڳي. ان کان پوءِ جنگين ۾ به ان جي اهميت وڌي وئي. واپار جي لحاظ سان پڻ ڪارائتي ثابت ٿي. 1200 ق. م ۾ يونانين ۽ فنيڪين، ميڊيٽيرين سمنڊ تي قبضو ڪري وڏن ٻيڙن سان واپار شروع ڪيو. جڏهن ته 100 ق. م ۾ رومين هڪ وڏو بحري ٻيڙو ٺاهيو هو. جنهن جي ڊيگهه 180 فٽ ۽ ويڪر 45 فٽ هئي. سنڌو تهذيب جي آثارن مان پڻ پتو پوي ٿو ته تڏهوڪي دور ۾ به سنڌي ماڻهن جو ٻيڙن ذريعي پرانهن ملڪن سان واپاري رستو هو. 1736ع ۾ ٻيڙيءَ جي اهميت ۾ واڌارو ٿيو ۽ ان کان پوءِ ته فرانس ۽ برطانيه ۾ ٻيڙين ٺاهڻ جون ڪمپنيون کلي پيون. رابرٽ فلٽن ارڙهين صديءَ ۾ تارپيڊو ۽ آبدوزي جهاز تيار ڪيا. هاڻوڪي دؤر ۾ پاڻيءَ جا جهاز مسافرن ۽ واپار لاءِ ڪارامد ذريعو آهن. ان کان سواءِ فوجي سگهه لاءِ به بحري جهاز ڪتب اچن ٿا، جنهن جو مثال پهرين ۽ ٻي مهاڀاري لڙائي آهي.


هن صفحي کي شيئر ڪريو

داخلا ۾ استعمال ٿيل تاريخون

6300.00.00  قبلِ مسيح

. اهڙيءَ طرح انسان ترقي ڪري ٻيڙي ٺاهي . تاريخ مان پتو پوي ٿو ته 6300 ق . م ۾ پهرين ٻيڙي ٺاهي ويئي ، جنهن جا آثار ماهرن ڳوليا . 400 ق . م ۾ مصرين ڊگهين ٻيڙين ٺاهڻ جو رواج وڌو ۽ پوءِ سڙهن جو استعمال ڪيو .


0400.00.00  قبلِ مسيح

. اهڙيءَ طرح انسان ترقي ڪري ٻيڙي ٺاهي . تاريخ مان پتو پوي ٿو ته 6300 ق . م ۾ پهرين ٻيڙي ٺاهي ويئي ، جنهن جا آثار ماهرن ڳوليا . 400 ق . م ۾ مصرين ڊگهين ٻيڙين ٺاهڻ جو رواج وڌو ۽ پوءِ سڙهن جو استعمال ڪيو .


1200.00.00  قبلِ مسيح

1200 ق . م ۾ يونانين ۽ فنيڪين ، ميڊيٽيرين سمنڊ تي قبضو ڪري وڏن ٻيڙن سان واپار شروع ڪيو


0100.00.00  عيسوي

جڏهن ته 100 ق . م ۾ رومين هڪ وڏو بحري ٻيڙو ٺاهيو هو . جنهن جي ڊيگهه 180 فٽ ۽ ويڪر 45 فٽ هئي


1736.00.00  عيسوي

1736ع ۾ ٻيڙيءَ جي اهميت ۾ واڌارو ٿيو ۽ ان کان پوءِ ته فرانس ۽ برطانيه ۾ ٻيڙين ٺاهڻ جون ڪمپنيون کلي پيون . رابرٽ فلٽن ارڙهين صديءَ ۾ تارپيڊو ۽ آبدوزي جهاز تيار ڪيا . هاڻوڪي دؤر ۾ پاڻيءَ جا جهاز مسافرن ۽ واپار لاءِ ڪارامد ذريعو آهن .



جهاز - ڀاڱي جون ٻِيون داخلائون

بحري جهاز
آگبوٽ
جهاز ڀاڱي جا وڌيڪ مضمون