داخلا جي تاريخ 2012-03-12
داخلا نمبر 2376
عنوان بشير خان قريشي
شاخ سياستدان
پڙهيو ويو 689 ڀيرا
داخلا جو حوالو انسائيڪلوپيڊيا سنڌيانا جلد پهريون
بشير قريشي

بشير قريشي

بشير خان قريشي

بشير خان قريشي: بشير خان قريشي جيئي سنڌ قومي محاذ (جسقم) جو چيئرمين آهي. جيئي سنڌ قومي محاذ، سائين جي ايم سيد جي لاڏاڻي بعد جيئي سنڌ محاذ جي چيئرمين عبدالواحد آريسر ۽ جيئي سنڌ تحريڪ جي اڳواڻ بشير خان قريشيءَ جي ڪوششن سان گڏيل پارٽيءَ طور وجود ۾ آيو. بشير خان قريشي ولد غلام مرتضيٰ قريشي 10 آگسٽ 1959ع تي موٽڻ پور محلي رتيديري ضلعي لاڙڪاڻي ۾ ڄائو. هن ميٽرڪ تائين تعليم پنهنجي اباڻي شهر رتيديري مان حاصل ڪئي ۽ انٽر شڪارپور ڪاليج مان ڪرڻ بعد 1976ع ۾ سنڌ زرعي يونيورسٽيءَ ۾ داخلا ورتي. هن شاگرد سياست ۾ حصو ورتو ۽ جيئي سنڌ اسٽوڊنٽس فيڊريشن ۾ شامل ٿيو. 1980ع ۾ فيڊريشن جي ٽنڊي ڄام يونٽ جو صدر ٿيو ۽ ٻن سالن کانپوءِ فيڊريشن جو مرڪزي نائب صدر چونڊيو. کيس 1981ع ۾ هڪ سال لاءِ يونيورسٽي انتظاميا ريسٽيڪيٽ ڪيو. 1990ع ۾ ان عهدي تي کيس ٻيهر چونڊيو ويو .
1995ع ۾ سائين جي. ايم. سيد جي چاليهي وقت جڏهن جيئي سنڌ قومي محاذ ٺهيو ته عبدالواحد آريسر ڪنوينر ۽ بشير خان ان جو ڊپٽي ڪنوينر مقرر ٿيو ۽ 1996ع ۾ جسقم جو جنرل سيڪريٽري ۽ اڳتي هلي ان جو چيئرمين چونڊيو ويو. 1978ع ۾ پهريون ڀيرو کيس ٽنڊي ڄام پوليس گرفتار ڪيو، ٺوڙهي ڦاٽڪ وارو واقعو (17 آگسٽ 1984ع) سندس زندگيءَ ۾ فيصلي ڪن ثابت ٿيو. جنرل ضياءَ الحق جي مارشل لا جي دور ۾ خالي هٿين شاگردن تي گوليون هلايون ويون. 15 جنوري 1985ع تي کيس رتيديري مان گرفتار ڪيو ويو ۽ مختلف ٿاڻن تي رکي مٿس ٽارچر ڪيو ويو. فوجي عدالت کيس ٻن ڪيسن ۾ هڪ هڪ سال قيد ۽ 10 ڦٽڪن جي سزا ڏني. سزا ڪاٽڻ بعد هو آگسٽ 1986ع ۾ آزاد ٿيو. 11 آگسٽ 1988ع ۾ لساني فسادن بعد کيس ٻيهر گرفتار ڪيو ويو ۽ هي 18 مهينن تائين جيل ۾ رهيو. 2 جنوري 1994ع ۾ کيس ٻيهر گرفتار ڪري ٻن سالن تائين قيد رکيو ويو. بشير خان قريشيءَ جي سندس تقريرن تي مشتمل ڪتاب ”جاڳيا جُنگ جوان“ ڇپيل آهي. عبدالواحد آريسر سان اختلاف ٿيڻ کان پوءِ هن وقت هو پنهنجي گروپ جيئي سنڌ قومي محاذ جو چيئرمين آهي، جڏهن ته ٻئي گروپ جو چيئرمين عبدالواحد آريسر آهي .


هن صفحي کي شيئر ڪريو

داخلا ۾ استعمال ٿيل تاريخون

1959.08.10  عيسوي

بشير خان قريشي 10 آگسٽ 1959ع تي ضلعي لاڙڪاڻي ۾ ڄائو.



سياستدان - ڀاڱي جون ٻِيون داخلائون

بجاراڻي هزار خان
بچاڻي شمشاد بيگم
اسد سڪندر ملڪ
اسد عابد قاضي
اسفند يار ولي
اسماعيل راهو
اصغر خان
اعجاز جکراڻي
اعجاز علي خان ٽالپر
اعجاز علي خان جتوئي
سياستدان ڀاڱي جا وڌيڪ مضمون