داخلا نمبر 2389
عنوان بصرالدين سيوهاڻي حڪيم
شاخ شخصيتون
پڙهيو ويو 215 ڀيرا
داخلا جو حوالو انسائيڪلوپيڊيا سنڌيانا جلد پهريون

بصرالدين سيوهاڻي حڪيم

بصرالدين سيوهاڻي، حڪيم: حڪيم بصرالدين قاضي احمد صديقيءَ جو پُٽ هو ۽ 1863ع ڌاري سيوهڻ ۾ ڄائو. شروعاتي تعليم کان پوءِ قانون جي سَنَدَ وٺي، سرڪاري نوڪريءَ ۾ گهڙيو، پر کيس ملازمت راس نه آئي. کيس سنڌي، عربي، فارسي ۽ انگريزيءَ تي دسترس هئي. انگريز سامراج سان نفرت هئڻ سبب عام وهنوار ۾ انگريزي نه ڳالهائيندو هو. کيس تاريخ ۽ سياست تي وڏو درڪ هو. ڪجهه وقت گوشه نشينيءَ ۾ به گذاريائين. گهڻو وقت ذڪر ۽ عبادت ۾ گذاريندو هو .
حڪيم بصر الدين نوڪري ڇڏڻ کان پوءِ ڏاڏاڻي ۽ ناناڻي واري حڪمت جي ڌنڌي کي اختيار ڪيو. وٽس پنهنجي ڏاڏي مخدوم متوفيءَ جا ڪيترا قلمي ڪتاب موجود هئا، جن ۾ معالجات ۽ مجربات بابت وڏي ڄاڻ هئي. مخدوم بصرالدين جي حڪمت جي هاڪ ٻُڌي، سڄيءَ سنڌ مان ماڻهو کانئس علاج ڪرائيندا هئا. هو حڪمت، علمِ جفر، رمل، نجوم، ڪيميا، معقولات ۽ فلسفي جو ڄاڻو هو. 11 جنوري 1938ع تي وفات ڪيائين .


هن صفحي کي شيئر ڪريو

داخلا ۾ استعمال ٿيل تاريخون

1863.00.00  عيسوي

حڪيم بصرالدين 1863ع ڌاري سيوهڻ ۾ ڄائو.


1938.01.11  عيسوي

حڪيم بصرالدين سيوهاڻيءَ 11 جنوري 1938ع تي وفات ڪئي.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون