داخلا نمبر 2428
عنوان بقراط
شاخ شخصيتون
پڙهيو ويو 231 ڀيرا
داخلا جو حوالو انسائيڪلوپيڊيا سنڌيانا جلد پهريون
بقراط

بقراط

بقراط

بقراط: بقراط يونان جو مشهور ڏاهو ۽ حڪيم ٿي گذريو آهي، جيڪو 469 ق. م ۾ يونان جي ڪوس جزيري ۾ پيدا ٿيو. کيس حڪمت جو ابو ڪوٺيو ويندو آهي. بقراط حڪمت جي تعليم حاصل ڪري حڪمت جو ئي پيشو اختيار ڪيو. هو تعويذ ۽ منتر وغيره جي سخت خلاف هو. هن ثابت ڪيو ته هر مرض جا ڪارڻ قدرتي هوندا آهن ۽ انهن جو علاج دوائن سان ئي ممڪن آهي، نه ڪي تعويذن ۽ منترن سان. هن بيمارين جا ڪارڻ ڳولي لڌا. سندس خيال موجب بيمارين جا ٻه ڪارڻ آهن: هڪ موسمي ۽ ٻيو غلط خوراڪ جو استعمال. هو غذا کي دوائن جي ڀيٽ ۾ وڌيڪ اهميت ڏيندو هو. سندس خيال هو ته غذا جو صحيح استعمال بيمارين کان دور ڪري ٿو. هن جا ڪيترائي شاگرد هئا. هو انهن کان قسم نامو وٺندو هو ۽ کين ڊاڪٽري جي ڊگري ڏيندو هو. طب بابت سندس لکيل تحريرون ڪيترين ئي ٻولين ۾ ترجمو ٿي چڪيون آهن. هن جا مضمون ترجمو ڪري لوب لائبرريءَ ۾ رکيا ويا آهن. ڪن يونيورسٽين ۾ تعليم پوري ڪري ويندڙ شاگردن کان ’بقراطي قسم نامو‘ کڻايو ويندو آهي. بقراط رومي سمنڊ جو سفر ڪيو. هن ڪيترائي شهر گهميا ۽ جتي به ويو، اتي طب جي تعليم جو رواج وڌائين. سندس لکيتون اڄ به اهميت واريون آهن. هن 377 ق. م ۾ وفات ڪئي .


هن صفحي کي شيئر ڪريو

داخلا ۾ استعمال ٿيل تاريخون

0469.00.00  قبلِ مسيح

بقراط، 469 ق. م ۾ يونان جي ڪوس جزيري ۾ پيدا ٿيو.


0377.00.00  قبلِ مسيح

بقراط، 377 ق. م ۾ وفات ڪئي.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون