داخلا نمبر 3372
عنوان بلوچ ناصر
شاخ شخصيتون
پڙهيو ويو 396 ڀيرا
داخلا جو حوالو انسائيڪلوپيڊيا سنڌيانا جلد پهريون

بلوچ ناصر

بلوچ ناصر: ناصر بلوچ ڪراچيءَ جو رهاڪو پ پ پ جو ڪارڪن پاڪستان اسٽيل مل جو ملازم هو. 1983ع واري ايم. آر. ڊي جي تحريڪ واري زماني ۾ هو سينٽرل جيل ڪراچيءَ ۾ قيد هو. تڏهن سندس سنڌ جي ڪيترن ئي سياسي اڳواڻن ۽ ڪارڪنن سان ملاقاتون ٿيون. هن کي مرتضيٰ ڀٽي سان گڏ 2 مارچ 1981ع تي ڪراچيءَ کان پشاور ويندڙ پي آءِ اي جي بوئنگ 737 کي اغوا ڪرڻ واري ڪيس ۾، خاص فوجي عدالت 4 نومبر 1984ع تي سزا ٻڌائي ۽ کيس 4 مارچ 1985ع تي سينٽرل جيل ۾ ڦاسي ڏني وئي. ناصر بلوچ ۽ سندس ڀاڻيجي عيسيٰ بلوچ تي الزام هو ته هنن ٻنهي جهاز تائين هٿيارن پهچائڻ ۾ مدد ڪئي هئي. هن جهاز جي اغوا جو الزام ’الذوالفقار‘ تنظيم تي مڙهيو ويو هو. ناصر بلوچ سان گڏ هن ڪيس ۾ سيف الله لاشاري، ايوب ملڪ، عيسيٰ بلوچ به شامل هئا .


هن صفحي کي شيئر ڪريو

داخلا ۾ استعمال ٿيل تاريخون

1985.03.04  عيسوي

نناصر بلوچ کي 4 مارچ 1985ع تي سينٽرل جيل ۾ ڦاسي ڏني وئي.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون