داخلا نمبر 3618
عنوان بودلو بهار
شاخ شخصيتون
پڙهيو ويو 525 ڀيرا
داخلا جو حوالو انسائيڪلوپيڊيا سنڌيانا جلد پهريون

بودلو بهار

بودلو بهار: سيوهڻ جو مشهور درويش ۽ قلندر لال شهباز جو خاص خدمتگار، مخدوم بودلو سڪندر عرف ”بودلو بهار“. اصل ملتان جو ويٺل هو. سندس جنم 202هه/ 817ع ڌاري اچ شريف (ملتان) ۾ ٿيو. ننڍپڻ کان ئي صوفي بزرگن جي صحبت نصيب ٿيس. ڦوهه جوانيءَ ۾ سيوهڻ شريف آيو. شروعات ۾ ديني درس ڏيندو هو، پر پوءِ دنيا جا لڳ لاڳاپا لاهي روحاني رهبر جو متلاشي ٿي ويو. انهيءَ ڪيفيت ۾ اڪثر اگهاڙو رهندو هو. آخر کيس قلندر شهباز جي صحبت نصيب ٿي. پاڻ قلندر جي پيارن طالبن مان هو ۽ سڄي عمر شادي نه ڪيائين ۽ مجرد رهيو. روايت آهي ته هنود ڪاسائيءَ هن درويش کي ڪهي ڇڏيو هو. سندس مزار سيوهڻ ۾ قلعي لڳ قلندر جي مزار کان اتر طرف آهي. سيوهڻ ۾ سندس نالي پٺيان ”بودلي جي ڪافي“ به آهي. بودلي جي شخصيت کان متاثر فقير ۽ سندس مريد ڳاڙهو ويس ڍڪيندا آهن ۽ هر روز پيرن ۾ گهنگهرو ٻڌي ڌمال ڪندا آهن.


هن صفحي کي شيئر ڪريو

داخلا ۾ استعمال ٿيل تاريخون

0202.00.00  هجري

بودلو بهار: سيوهڻ جو مشهور درويش ۽ قلندر لال شهباز جو خاص خدمتگار ، مخدوم بودلو سڪندر عرف ” بودلو بهار “ . اصل ملتان جو ويٺل هو . سندس جنم 202هه/ 817ع ڌاري اچ شريف ( ملتان ) ۾ ٿيو .


0817.00.00  عيسوي

بودلو بهار: سيوهڻ جو مشهور درويش ۽ قلندر لال شهباز جو خاص خدمتگار ، مخدوم بودلو سڪندر عرف ” بودلو بهار “ . اصل ملتان جو ويٺل هو . سندس جنم 202هه/ 817ع ڌاري اچ شريف ( ملتان ) ۾ ٿيو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون