داخلا نمبر 3357
عنوان بيدار مڱريو محمد پريل
شاخ شخصيتون
پڙهيو ويو 1223 ڀيرا
داخلا جو حوالو انسائيڪلوپيڊيا سنڌيانا جلد پهريون

بيدار مڱريو محمد پريل

بيدار مڱريو محمد پريل: اديب، شاعر، مترجم ۽ عالم دين استاد محمد پريل ”بيدار“ مڱريو 8 جنوري 1937ع تي ڳوٺ سنگرار، تعلقي روهڙي، ضلعي سکر ۾ ڄائو. سندس تعليم ايم. اي. سنڌي، ايل. ايل. بي ۽ ايم ايڊ آهي. 1954ع ڌاري تعليم کاتي ۾ پرائمري استاد طور ڀرتي ٿيو. 1973ع ۾ H.S.T ۽ پوءِ هاءِ اسڪول سنگرار جي هيڊ ماستر طور رٽائرمينٽ ورتائين. مذهب ڏانهن لاڙي سبب مولوي درس نظامي (2005ع، جامع عربي مفتاح العلوم حيدرآباد)، شهادت العالميه (2005ع وفاق المدارس پاڪستان ملتان)، مفتي في الفقه ( 2006ع جامع عربيه انوار العلوم ڪنڊيارو، نوشهروفيروز) ۽ تجويد و قرات القرآن (2007ع، جامع عمر ڪراچي) جهڙا اهم ڪورس به ڪيل اٿس. في البديهه شاعريءَ ۾ دسترس حاصل اٿس. سندس شاعري ماهوار ”شريعت“، ”بيداري“، ”انوار العلوم“ جي سالنامي، نعت نمبر ۽ گل ڦل ۾ شايع ٿيل آهي. سندس ترجمو ٿيل ڪتابن ۾ بهشتي زيور، تعليم اسلام، ڪشف المحبوب، مطالب القرآن، رشحات الفنون ۽ آخري منزل شامل آهن. ”اسلام بابت نومسلم علماءِ ۽ حڪماءِ جا رايا“ جي عنوان سان سندس قسطوار مضمون ”شريعت“ رسالي ۾ ڇپيل آهن. سندس فرزند انور منصور مڱريو به سنڌي ٻوليءَ جو سٺو شاعر ۽ محقق آهي.


هن صفحي کي شيئر ڪريو

داخلا ۾ استعمال ٿيل تاريخون

1937.01.08  عيسوي

بيدار مڱريو محمد پريل: اديب ، شاعر ، مترجم ۽ عالم دين استاد محمد پريل ” بيدار “ مڱريو 8 جنوري 1937ع تي ڳوٺ سنگرار ، تعلقي روهڙي ، ضلعي سکر ۾ ڄائو .



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون