داخلا نمبر 3570
عنوان بيگم عبدالله هارون
شاخ شخصيتون
پڙهيو ويو 618 ڀيرا
داخلا جو حوالو انسائيڪلوپيڊيا سنڌيانا جلد پهريون
بيگم عبدالله هارون

بيگم عبدالله هارون

بيگم عبدالله هارون

بيگم عبدالله هارون: سنڌ جي عورتن ۾ بيگم نصرت عبدالله هارون کي ممتاز حيثيت حاصل آهي. بيگم عبدالله هارون جي سياسي تربيت بيگم مولانا محمد علي جوهر ڪئي. بيگم نصرت کي اهو شرف حاصل آهي ته هوءَ آل انڊيا وومين مسلم ليگ جي صدر چونڊي. هن نه صرف سنڌ، بلڪه پوري پاڪ و هند جو دورو ڪري مسلمان عورتن کي تحريڪ پاڪستان جي لاءِ سجاڳ ڪيو. سندس شادي ننڍي عمر ۾ سر عبدالله هارون سان ٿي. ڪجهه عرصي کان پوءِ قومي خدمت جي جذبي سان سياسي هلچل ۾ ڪاهي پئي. اهو زمانو هو، جو جڏهن پهرين عالمگير جنگ لڳ هئي. انهن ڏينهن ۾ هوءَ فوجين جي لاءِ سامان گڏ ڪري کين موڪليندي هئي. هن بيگم محمد علي جوهر کان متاثر ٿي پهريون دفعو تقرير ڪئي، جنهن جو موضوع آزادي حاصل ڪرڻ هو.
1925ع ۾ بيگم نصرت ڪراچيءَ جي عورتن جي هڪ انجمن قائم ڪئي. انهن ڏينهن ۾ هوءَ آل انڊيا وومين ڪانفرنس ڪراچي برانچ جي صدر به رهي. 1946ع ۾ سنڌ مسلم خواتين ڪاميٽي بنائي وئي، جنهن ۾ بيگم نصرت کي بطور ميمبر نامزد ڪيو ويو. 1946ع ۾ آل انڊيا وومين مسلم ليگ جي چونڊ بيگم اقبال حسين ملڪ جي جاءِ تي ٿي، جنهن ۾ وڏي اڪثريت سان صدر منتخب ٿي. کيس اهو به اعزاز حاصل آهي ته پاڻ قائداعظم جي ميزبان به رهي آهي، انهيءَ ڪري قائداعظم سان بي تڪلفيءَ سان گفتگو ڪندي هئي. بيگم نصرت تحريڪ پاڪستان جي بيباڪ ڪارڪن هئي. سندس سڄي زندگي مسلمانن جي سياسي، اقتصادي ۽ سماجي ڀلائيءَ ۾ گذري. بيگم نصرت ڪيترن ئي تعليمي، سياسي ۽ سماجي ادارن جي ميمبر رهي. سندس خدمتون پاڪستان جي استحڪام لاءِ وسارڻ جوڳيون نه آهن.


هن صفحي کي شيئر ڪريو

داخلا ۾ استعمال ٿيل تاريخون

1925.00.00  عيسوي

1925ع ۾ بيگم نصرت ڪراچيءَ جي عورتن جي هڪ انجمن قائم ڪئي


1946.00.00  عيسوي

1946ع ۾ سنڌ مسلم خواتين ڪاميٽي بنائي وئي ، جنهن ۾ بيگم نصرت کي بطور ميمبر نامزد ڪيو ويو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون