داخلا نمبر 3578
عنوان بيگم مريم حاتم بدرالدين طيب جي
شاخ شخصيتون
پڙهيو ويو 971 ڀيرا
داخلا جو حوالو انسائيڪلوپيڊيا سنڌيانا جلد پهريون

بيگم مريم حاتم بدرالدين طيب جي

بيگم مريم حاتم بدرالدين طيب جي: بوهرا فرقي جي بزرگ سر اڪبر حيدريءَ جي ڌيءُ بيگم مريم حاتم، 27 سيپٽمبر 1899ع تي جنم ورتو. ابتدائي تعليم محبوبيه هاءِ اسڪول حيدرآباد دکن مان حاصل ڪيائين ۽ اتي ئي سينيئر ڪئمبرج تائين تعليم حاصل ڪيائين. سندس والده جو نالو ليڊي آمنه حيدري هو. 1918ع ۾ سندس شادي، حاتم بدرالدين طيب جي بئريسٽر سان ٿي. 1936ع ۾ هيءُ خاندان لڏي اچي ڪراچيءَ ۾ ويٺو، جتي بيگم مريم حاتم سماجي، سياسي ۽ تعليمي ڪمن ۾ حصو ورتو. هيءَ اردو، انگريزيءَ ۽ پارسي ادب مان پوريءَ طرح واقف هئي. بيگم مريم حاتم ڪراچي ضلعي اسڪول بورڊ، ريڊ ڪراس، ليڊي ڊفرن اسپتال ۽ مسلم وومين ائسوسيئيشن جي سرگرم رڪن ٿي رهي. ان کان سواءِ ائڊلٽ بلائنڊ سينٽر جي صدر ۽ آنرري بينچ مئجسٽريٽ پڻ ٿي رهي، بيگم صاحبه انگلنڊ، ڊنمارڪ، جرمني، هالئنڊ، ناروي، ايران، شام، لبنان، سويڊن، ٿائيلئنڊ، مصر، ڪئناڊا، ملائيشيا، سينگاپور ۽ گهانا جو سفر ڪيو. سندس گهڻو وقت سماجي، سياسي ۽ تعليمي سرگرمين ۾ گذريو.


هن صفحي کي شيئر ڪريو

داخلا ۾ استعمال ٿيل تاريخون

1899.09.27  عيسوي

بيگم مريم حاتم بدرالدين طيب جي: بوهرا فرقي جي بزرگ سر اڪبر حيدريءَ جي ڌيءُ بيگم مريم حاتم ، 27 سيپٽمبر 1899ع تي جنم ورتو .


1918.00.00  عيسوي

1918ع ۾ سندس شادي ، حاتم بدرالدين طيب جي بئريسٽر سان ٿي . 1936ع ۾ هيءُ خاندان لڏي اچي ڪراچيءَ ۾ ويٺو ،



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون