داخلا نمبر 374
عنوان بچارام ليلارام ليڏواڻي
شاخ شخصيتون
پڙهيو ويو 1102 ڀيرا
داخلا جو حوالو انسائيڪلوپيڊيا سنڌيانا - جلد پهريون

بچارام ليلارام ليڏواڻي

بچارام ليلارام ليڏواڻي: هي بي. رام. سنڌوءَ جي ادبي نالي سان متعارف هو. سندس تعليم ايم. اي. ايل. ايل. ايم ۽ اي. ايف. آءِ. آءِ هئي. 31 جنوري 1938ع تي، سکر ۾ ڄائو. پاڻ ڪيترن ڪتابن جو ليکڪ، هدايتڪار ۽ ڪهاڻيڪار رهيو آهي. وسيع تجربو هئس. سندس ڇپيل ڪتاب: ’نيستردان‘، ’بدني نقص ۽ انهن جو علاج‘، ’ٻار ۽ انهن جو علاج‘، ’شرم دان‘ ۽ ’ٻال مندر‘ آهن. ڪيترن ئي ڪتابن جو ترجمو ڪيل اٿس، جن ۾ ’آئينده جا ابا‘ ۽ ’ٻال مندرن جي سکيا جي اهميت‘ مشهور آهن. جڏهن ته ڪجهه ڪتابن جو مرتب پڻ رهيو آهي. جهڙوڪ: ’ٻاچوشتڪ‘ ۽ ’ڀارت ۾ سنڌي ڌرمشالائون‘. سال 1948ع ۽ 1958ع واري دؤر ۾ ايڪانڪي ناٽڪن ۾ اداڪار ۽ هدايتڪار جي حيثيت ۾ ڪم ڪيل اٿس، ڪيترين ئي اخبارن ۽ مئگزينن جهڙوڪ: ”نيو ماڊل هاءِ اسڪول مئگزين“، ”راشٽريه سيوڪ“، ”سنڌو پرديپ دسيرا“، ”سماج ڪلياڻ“ ۽ ”جيون جوت“ ساليانن رسالن جو ايڊيٽر ٿي رهيو آهي. پاڻ ممبئيءَ ۾ رهندو هو، ٽي چار سال ٿيا آهن، گذاري ويو آهي.


هن صفحي کي شيئر ڪريو

داخلا ۾ استعمال ٿيل تاريخون

1938.01.31  عيسوي

بچارام ليلارام ليڏواڻي: هي بي . رام . سنڌوءَ جي ادبي نالي سان متعارف هو . سندس تعليم ايم . اي . ايل . ايل . ايم ۽ اي . ايف . آءِ . آءِ هئي . 31 جنوري 1938ع تي ، سکر ۾ ڄائو



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون