داخلا نمبر 2605
عنوان بکر شيدي
شاخ شخصيتون
پڙهيو ويو 197 ڀيرا
داخلا جو حوالو انسائيڪلوپيڊيا سنڌيانا جلد پهريون
بکر شيدي

بکر شيدي

بکر شيدي

بکر شيدي: بکر شيدي، لاڙ جي مشهور ملهه انب شيديءَ (انب کارائيءَ) جو پٽ آهي. سندس اصل نالو غلام حسين هو. ”اندرين“ ۽ ”وارو“ سندس مَلهه جا خاص داءَ هئا. هيءُ ڏسڻ ۾ ننڍي بدن وارو پهلوان، جڏهن ’اندرين‘ هڻي يا ’وارو‘ کڻي پهرئين جوڙ جي ڪنهن ملهه کي دسيندو هو، ته ويٺل ماڻهو اٿي بيهندا هئا ۽ کيس زبردست داد ڏيندا هئا. کيس ملهه جو فن ورثي ۾ مليو هو. سندس والد ”انب شيدي“ سندس استاد هو. ماڇي قبيلي جي سردار ۽ ماڇڪي جي تمندار، حاجي محمد خان جو مٿس تمام گهڻو راضُ هو ۽ هي سڏبو ئي سندس ملهه هو. بکر شيدي هاري هو، پر هن ملهه ۾ تمام وڏو نالو ڪڍيو. هي ملهه جو ادارو هو. هن سنڌ، بلوچستان ۽ ڏکڻ پنجاب جي ملهن سان وڏا مقابلا ڪيا ۽ کٽيا. پاڻ 1935ع کارو ڇاڻ، ضلعي ٺٽي ۾ ڄائو. 60 واري ڏهاڪي ۾ هي شير ميربحر، غلام قادر، الهجڙئي سمي، جمعدار محمد رحيم، غلام سرور جتوئي، در محمد عالماڻي، سيد سمن شاهه وغيره جي جوڙ جو ملهه هو. هن 1963ع ۾ ميله چرا خان، لاهور ۾ جنرل ايوب خان کان اوارڊ حاصل ڪيو. ان کانسواءِ به هن ڪيترائي انعام ۽ سندون حاصل ڪيون. 2000ع ڌاري ڪسمپرسيءَ جي حالت ۾ ڪراچيءَ ۾ وفات ڪري ويو .


هن صفحي کي شيئر ڪريو

داخلا ۾ استعمال ٿيل تاريخون

1935.00.00  عيسوي

بکر شيدي، 1935ع ڌاري ضلعي ٺٽي ۾ ڄائو.


2000.00.00  عيسوي

بکر شيدي، 2000ع ڌاري ڪراچيءَ ۾ وفات ڪري ويو.



شخصيتون - ڀاڱي جون ٻِيون داخلائون

بابا بنکنڊي مهراج
بابا حاجي ميرمحمد
بابا سريچند
بابا صلاح الدين
بابا فريد مسعود گنج شڪر
بابا گرپت صاحب
بابا گوبند داس
بابا نيڀراڄ
بابر بادشاهه
بابو
شخصيتون ڀاڱي جا وڌيڪ مضمون