داخلا نمبر 6088
عنوان تاجدار عادل
شاخ شاعر
پڙهيو ويو 295 ڀيرا
داخلا جو حوالو انسائيڪلوپيڊيا سنڌيانا جلد ٻيو
تاجدار عادل

تاجدار عادل

تاجدار عادل

تاجدار عادل: شاعر، ڪهاڻيڪار، ڊراما نويس ۽ پاڪستان ٽيليويزن جو سينئر پروڊيوسر تاجدار عادل، 17 جولاءِ 1955ع تي حيدرآباد سنڌ جي مشهور ادبي گهراڻي ۾ ڄائو. اردوءَ جو مشهور شاعر صبا اڪبر آبادي، سندس پيءُ ۽ مشهور ڪهاڻيڪار، سلطان جميل نسيم سندس وڏو ڀاءُ هو. تاجدار عادل ڪراچي يونيورسٽيءَ مان معاشيات ۾ ايم. اي، ۽ نشر و اشاعت ۾ بي. اي جون ڊگريون حاصل ڪيون. تعليم مڪمل ڪرڻ کان پوءِ عملي زندگيءَ جي شروعات پاڪستان ٽيليويزن، لاهور سينٽر، تان 1975ع ۾ ڪيائين، 1975ع ۾ ڪراچيءَ تان ۽ 1978ع ۾ اسلام آباد تان هڪ پروڊيوسر جي حيثيت ۾ هن ڪافي پروگرام ڪيا. سندس مشهور پروگرامن ۾ ”منزل“، ”قائداعظم ڪوئز“، ”آدابِ خود آگهي“، ۽ سنڌيءَ پروگرام ”روشن تارا“، ”مهراڻ رنگ“ ۽ ”ناٽڪ رنگ“ شامل آهن. تاجدار عادل پاڪستان ٽيليويزن لاءِ مشهور اديبن کان براهِ راست انٽرويو پڻ ورتا، جن ۾ ’جوش مليح آبادي‘، ’فيض احمد فيض‘، ’احمد نديم قاسمي‘، ’حفيظ جالنڌري‘ ۽ ’شيخ اياز‘ شامل آهن. طارق عزيز جو مشهور پروگرام ”نيلام گهر“ ٻارهن سالن تائين پيش ڪندو رهيو. ”جيوي پاڪستان“ جي نالي سان پي. ٽي. ويءَ جي هر سينٽر تان هڪ پروگرام پيش ڪيائين. ڪراچي سينٽر تان سندس ”چاره گر“ ۽ ”معاف ڪيجئي گا“، پروگرامن جو ميزبان معين اختر رهيو آهي. اهڙيءَ طرح مهتاب اڪبر راشديءَ سان روشن تارا، خوش بخت شجاعت سان ”اپني بات“، لئيق احمد سان ”منزل“ ۽ راحت ڪاظميءَ سان ”پاڪستاني ادب سال به سال“ پيش ڪيائين. سندس شعرن جو مجموعو ”مات هوني تڪ“ ۽ ڪهاڻين جو مجموعو ”اپني گلي مين اجنبي“ شايع ٿي چُڪا آهن.


هن صفحي کي شيئر ڪريو

داخلا ۾ استعمال ٿيل تاريخون

1955.07.17  عيسوي

تاجدار عادل 17 جولاءِ 1955ع تي حيدرآباد ۾ ڄائو



شاعر - ڀاڱي جون ٻِيون داخلائون

باغي حليم
بائرن
آثم ناٿن شاهي
بچل
بخشڻ شاهه
بدر شاهه
بدر قريشي
ٻڍل فقير
ٻڍڙو فقير
ٻال ڪرشن ڊي ڪمل سرتاج
شاعر ڀاڱي جا وڌيڪ مضمون