داخلا نمبر 6404
عنوان تارا چند شوقيرام
شاخ شخصيتون
پڙهيو ويو 313 ڀيرا
داخلا جو حوالو انسائيڪلوپيڊيا سنڌيانا جلد ٻيو
سماج سڌارڪ تارا چند شوقيرام

سماج سڌارڪ تارا چند شوقيرام

تارا چند شوقيرام

تارا چند شوقيرام: سماج سڌارڪ راءِ بهادر ديوان تارا چند شوقيرام، اڳوڻو پرنسپال ٽريننگ ڪاليج، حيدرآباد، 20 جون 1850ع تي حيدرآباد، سنڌ ۾ پيدا ٿيو. چاليهه سال کن حيدرآباد جي عامل پنچائت جو مکي رهيو. ڪيترن ضرورتمند ماڻهن جي مالي مدد ڪيائين. حيدرآباد جي برهمو مندر وٽ پنهنجي ڀاءُ ساڌو هيرانند جي نالي باغيچو ٺهرايائين، پنهنجي ماءُ شريمتي جواهر ٻائيءَ جي نالي هيرآباد ۾ ڇوڪرين جو اسڪول کولرايائين. سنڌ جي گورنر سر لانسلاٽ گرهام سان دوستي هوندي هئس. حـيدرآباد جـو ”هوپ فــل فــري اسڪـول“، ”ديـــوان نـول راءِ ۽ ديــوان تاراچند جي نالي پٺيان سڏجي ٿو. برهمو سماج وارن ڪراچيءَ جي سولجر بازار ۾ هڪ سنڌي اسڪول به سندس نالي پـويان کـوليو هو. سندس والد شوقيرام مختيارڪار جي عهدي تي هو. هي پاڻ ۾ ٽي ڀائر هئا. (1) ديوان نولراءِ، (2) تاراچند شوقيرام (3) ساڌو هيرانند. تاراچند وارا ڀائر سماج سڌارڪ هئا. تاراچند شوقيرام 22 نومبر 1893ع تي ديهانت ڪئي.


هن صفحي کي شيئر ڪريو