داخلا نمبر 6616
عنوان تارڪ محمد هدايت علي نجفي
شاخ شخصيتون
پڙهيو ويو 210 ڀيرا
داخلا جو حوالو انسائيڪلوپيڊيا سنڌيانا جلد ٻيو
تارڪ محمد هدايت علي نجفي

تارڪ محمد هدايت علي نجفي

تارڪ محمد هدايت علي نجفي

تارڪ، محمد هدايت علي ’نجفي ‘:مشهور عالم ۽ شاعر علامه محمد هدايت علي نجفي ”تارڪ“، 25 محرم الحرام 1312هه/ 1894ع ۾ لعلورائنڪ ۾ ڄائو. سندس والد جو نالو فقير الهداد عرف تراب علي تنيو هو. علامه تارڪ کي فخرالشعراء، خادم الفقراء ۽ مجتهد العصر کن سواءِ هفت زبان شاعر جي لقبن سان به ياد ڪيو وڃي ٿو. شاعر سان گڏ سٺو اديب ۽ ڪاتب به هو. هن عمر جي مختصر عرصي ۾ 200 ننڍا وڏا ڪتاب لکيا، جن مان ”ديوان تارڪ“ سنڌي ادبي بورڊ 1989ع ۾ ڇپائي پڌرو ڪيو آهي ۽ ٻيا قلمي حالت ۾ آهن يا ناياب آهن. سندس ڪتابن مان 45 ڪتاب ’علامه تارڪ لئبرري‘ گهوٽڪيءَ ۾ سيد اظهر گيلانيءَ مرحوم وٽ محفوظ رهيا، علامه نجفي صاحب روزي نماز جو پابند هو. 9 مارچ 1939ع مطابق 17 محرم الحرام 1358 هجري تي هن فاني دنيا مان لاڏاڻو ڪيائين. سندس درگاهه تي هر سال محرم مهيني جي 17 تاريخ تي ساليانو ميلو (ٽي ڏينهن ۽ ٽي راتيون) عقيدت ۽ احترام سان لڳندو آهي. سندس شخصيت ۽ ڪلام تي نامياري اديب ۽ عالم ڊاڪٽر نواز علي شوق پي. ايڇ. ڊي ڪئي آهي.


هن صفحي کي شيئر ڪريو