داخلا نمبر 5277
عنوان ترمذي
شاخ عالم
پڙهيو ويو 260 ڀيرا
داخلا جو حوالو انسائيڪلوپيڊيا سنڌيانا جلد ٻيو

ترمذي

ترمِذي: مشهور عالم دين، محدث، حنفي فقيہ ۽ صوفي ابو عبدالله محمد بن علي (وفات 285هه/ 898ع) ترمذ جو رهاڪو هو، ان ڪري هُو عُرف عام ۾ ’ترمذي‘ جي نالي سان مشهور آهي. هن عالم جون 30 تصنيفون قلمي حالت ۾ موجود آهن. هن پنهنجن ڪتابن ۾ مسئلن جو تفسير ۽ توضيح اهل سنت جي طريقي موجب ڪئي آهي. مثلاً: ”نورِ محمديءَ جو ازل کان موجود هجڻ“، ”آدميت جي حقيقت“، ”ابجد جي 28 حرفن جو مُلهه“، ”ملائڪن جو علم ۽ ولايت جو معيار“. تصوف جي تاريخ ۾ به هي ئي واحد شخص آهي، جنهن صوفين جي طبقن تي سڀ کان پهريون ڪتاب لکيو، پر ان جو پتو اسان کي صرف اقتباسات جي ذريعي ملي ٿو. هيءُ ابن عربيءَ جو صحيح پيشرو آهي. ٽي سئو سال پوءِ ابن العربي (شيخ اڪبر) سندس تصنيفن جو غور سان مطالعو ڪري پنهنجي علم ۾ واڌارو ڪيو .


هن صفحي کي شيئر ڪريو